Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Dell dhe Alienware sjellin “ekranin e madh” në botën e gaming
Ekranet e mëdhenj nuk janë më veç për filma. Siç demonstroi dhe Nvidia vitin e kaluar me monitorët e saj 65″, këtë vit janë Dell dhe Alienware ata që kanë krijuar monitorin e tyre të madh. Por, ndryshe nga monitori LCD i Nvidia-s, monitori i tyre vjen me një panel 55″ 4K OLED, me refresh rate 120Hz. Po, monitori Alienware 55 është nga të vetmit në qarkullim i cili suporton 4K me atë refresh rate, dhe duket si një opsion shumë i mirë për ata që kërkojnë performancë të lartë gaming.
Alienware 55 ka dizajn të ngjashëm me laptopin Area-51m – i thjeshtë, por me nuanca të veçanta dalluese. Nga përpara, duket thjesht si një TV OLED. Në pjesen e prapme, vihet re një shirit LED që suporton AlienFX, logoja e Alienware si dhe një 55 e madhe. Gjithashtu, në pjesën e mbrapme ndodhet një hapësirë për të fshehur çdo kabëll.
Paneli OLED bën që ky monitor të ngjasojë me një TV të vertetë. Ngjyrat e ndezura, e zeza e errët si dhe kontrasti i lartë e bejnë atë teper terheqës për syrin. Edhe pse në ekran u demonstruan vetëm video nga Youtube, kemi pritshmëri të larta për performancën e tij në lojëra. Por, ajo që e bën ketë monitor të ndryshëm nga një TV i zakonshëm është refresh rate i tij. Ndryshe nga shumica e TV ku ti nuk mund të ndyshosh refresh rate, për shkak të portës DisplayPort 1.4, ky monitor ofron mundësinë që ju të ndryshoni refresh rate nga 60Hz deri në 120Hz. Përveç portave DisplayPort, ai gjithashtu ofron një shumëllojshmëri portash të tjera, të cilat lehtësojne lidhjen e monitorit me një ose disa PC ose konsola.
Dell ende nuk ka përcaktuar një çmim për këtë monitor, por pritet që ai të lançohet në gjysmën e dytë të këtij viti.
