Modi i ri që kthen Skyrim në multiplayer hyn në closed beta

Së shpejti do të keni mundësinë të eksploroni Skyrim së bashku me 8 miqtë tuaj në Skryrim Together.

Edhe pse Bethesda tentoi të kthente serinë Fallout online me Fallout 76, le të themi që rezultatet nuk ishin aspak të kenaqëshme. Por ndërkohë, zhvilluesit e mod-eve kanë disa vite që përpiqen t’a bëjnë Skyrim një lojë online dhe më në fund gjithçka duket si realitet. Skyrim Together është një mod i cili bën të mundur që ti të luash Skyrim me miqtë e tu, dhe pas disa tenativave, duket se më në fund do të lançohet në një closed beta.

“Më më fund po ndodh. Së shpejti do të hapim dyert për mbështetësit tanë besnikë në Patreon për një closed beta të përkohëshme. Por mos kini frik, së shpejti do të keni mundesi ta provoni të gjithë” lexon një postim në subredditin e modit.

Periudha e closed beta do të përdoret për të testuar stabilitetin si dhe për të bërë rregullime të vogla e nuk do të zgjasë për shumë kohë sipas zhvilluesëve, me një open beta që do të jetë e hapur për të gjithë një deri në dy javë më vonë. Mod-i, kur të lançohet zyrtarisht, do të ketë launcher-in e tij (për shkak se Bethesda ishte kundër lançimit së tij në Steam). Kufiri maksimal i lojtarëve për momentin është 8, edhe pse kjo gjë mund të ndryshojë në të ardhmen. Për momentin, serverat e mod-it ndodhen vetëm në Europë, por dhe kjo mund të ndryshojë, në varësi të kërkesës së lojtarëve.

Zhvilluesit ende nuk kanë dhënë një datë zyrtare për nisjen e closed beta dhe për të qënë të sinqertë, ata kanë thënë gjithashtu se mod-i ishte gati të laçohej në 2017. Por duhet të jemi optimistë se udhëtimi ynë i ardhshëm në Skyrim mund të jetë me miqtë tanë përkrahë.