Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Mobile esports janë bërë tashmë shumë popullore
Viti i fundit ka qënë padyshim shumë i madh për esports në mobile. Me evente që kanë mbushur stadiume dhe kanë tërhequr mbi 1 milionë shikues si në rastin e Free Fire World Series, si dhe me prize pool vazhdimisht në rritje, tashmë lojërat në mobile kanë konsoliduar vendin e tyre në esports.
Megjithatë, mobile esports kanë ende një rrugë të gjatë përpara. Për shumë lojëra si PUBG Mobile dhe Free Fire, 2019 ishte vetëm fillimi. Këto lojëra e nisën vitin duke inkurajuar audiencën e tyre gjigande të merrte pjesë në esports dhe e bënë këtë gjë me sukses, madje duke tërhequr dhe lojtarë të rinj.
Me ardhjen e 2020, disa lojëra në mobile kanë plane të mëdha për esports. Ja se cilat janë 7 lojërat të cilat fansat e esports duhet t’i hedhin një sy gjatë këtij viti.
PUBG Mobile
PUBG Mobile Club Open 2019 (PMCO) ishte një sukses i madh për sa i përket shikueshmërisë. Spring Split Global Final ishte eventi më i ndjekur i lojës me 596,824 shikues dhe kjo gjë duket se do të vazhdojë dhe në 2020. Tencent ka në plan të sjellë PMCO në formën e PUBG Mobile World League, me një prize pool mbi $5 milionë, më i madhi në esports. Gjithashtu, PUBG Mobile do t’i ofrojë kampionate të gjithë lojtarëve amatorë, përveç atyre gjysmë-profesionistë dhe profesionistë.
Brawl Stars
Brawl Stars është një nga lojërat e reja që kanë hyrë në esports. Loja MOBA është zhvilluar nga Supercell, krijuesit e mobile esports të tjerë si Clash Royale dhe Clash of Clans. Edhe pse loja pati evente të shumta që prej lançimit global vitin e kaluar, turnamenti i parë i Supercell, Brawl Stars World Finals 2019, u zhvillua në nëntor dhe tërhoqi 93,989 shikues. Për 2020, Supercell ka zbuluar Brawl Stars Championship, i cili do të ketë një prize pool prej $1 milionë, i cili mund të rritet deri në $1.5 milionë dhe pritet të kulmojë me 2020 World Finals.
Free Fire
Mobile esports më i madhë gjatë 2019 nga ana e shikueshmërisë ishte Free Fire. Garena e zbuloi eventin e parë ndërkombëtarë për lojën në fillim të 2019 me Free Fire World Cup, që u mbajt në Tajlandë dhe tërhoqi mbi 1 milionë shikues. Më pas, ata zhvilluan gjithashtu dhe Free Fire World Series 2019, e cila tërhoqi maksimalisht mbi 2 milionë shikues. Edhe pse Garena ende nuk ka zbuluar planet e tyre për esports për 2020, padyshim që kjo do të vijë së shpejti.
Call of Duty: Mobile
Edhe pse ka vetëm pak muaj që është lançuar, Call of Duty: Mobile është padyshim një prej lojërave më të mëdha për mobile, me mbi 170 milionë downloads. Edhe pse është pak herët për të filluar një skenë të mirëfilltë esports, duket se fansat janë padyshim entuziastë për këtë mundësi. Garena, e cila ka të drejtat e lojës në Azinë Juglindore, e ka vënë re këtë gjë dhe ka filluar të zhvillojë turnamente të ndryshme. Call of Duty: Mobile Creator Challenge nga WSOE ka qënë turnamenti më i madh deri tani, me një prize pool prej $30,000 dhe mbi 12 mijë shikues. Megjithatë, Activision ende nuk ka zbuluar asgjë zyrtare për të ardhmen e lojës, prandaj na mbetet vetëm të presim.
Clash Royale
Clash Royale pritet të ketë një tjetër vit fantastik me Clash Royale League në 2020. Edhe pse ende nuk dihet formati që do të përdoret gjatë 2020, pritet që ai të jetë i ngjashëm me atë të 2019. Clash Royale World Finals 2019 u mbajt në dhjetor dhe kishte një prize pool prej $400,000. Edhe pse pati një rënie shikueshmërie me thuajse 64% nga 2018, kjo erdhi pasi këtë rradhë Supercell nuk dha dhurata falas për lojtarët që ndiqnin livestream-in, gjë e cila padyshim që e rriti shikueshmërinë edicionin e kaluar. Loja ka një strukturë shumë të mirë esports dhe një bazë lojtarësh shumë të dedikuar e madje u transmetua edhe në televizor në ELEAGUE, prandaj e ardhmja duket e ndritur për Clash Royale.
Mobile Legends: Bang Bang
Mobile Legends: Bang Bang është një tjetër lojë që duhet t’i hidhni një sy. Ata kanë zhvilluar turnamente esports në Azinë Juglindore për më shumë se dy vite dhe zhvilluesi Moonton ka në plan ta zgjerojë edhe më shumë lojën në territore të reja. M1 World Championship pati një prize pool prej $250,000 dhe solli ekipe të tjera dhe nga SHBA, Brazili, Rusia dhe Turqia. M2 World Championship do të mbahet në Xhakarta, Indonezi. Megjithatë, ata tashmë duhet të përballen dhe me League of Legends: Wild Rift nga Riot Games, e cila do të lançohet në 2020, por edhe me konkurrentë të tjerë si Marvel Super War. Megjithatë, me ardhjen e MLBB 2.0, loja është një prej MOBA më të mira në treg.
League of Legends: Wild Rift
Loja e fundit në listë është League of Legends: Wild Rift. Edhe pse ajo nuk është lançuar ende, Riot ka premtuar se ajo do të vijë në 2020. Leak-et e lojës tregojnë se ajo është shumë e ngjashme me versionin në PC. Edhe pse është ende herët për të folur për esports, do të ishte shumë e çuditshme nëse Riot nuk do të kishte në plan të sillte esports për lojën. Sipas producentëve të Riot Games, nëse fansat duan të shohin turnamente esports, ata padyshim që do t’i sjellin.
