Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Zbulohen pesë trailera të Mortal Kombat 11
Sot është një ditë e madhe për Mortal Kombat 11. Me eventin e zbulimit të saj kemi edhe një pirg trailerash për tu parë. Ndër to yllin e MMA, Ronda Rousey që flet për dublimin dhe inspirimin e marrë prej saj të personazhit të lojës Sonya Blade dhe një video në të cilën një burrë grushtohet aq fort mbrapa koke sa trutë literalisht i dalin nga vendi.
Le të fillojmë me Rousey, një fanse e zjarrtë e Mortal Kombat që gjithashtu qëllon të jetë fantastike në të luftuar edhe në jetën reale. Ajo duket entuziaste për rolin e saj edhe pse traileri tregon vetëm dy rreshta me një total prej 12 fjalësh.
Pastaj kemi videon e zbulimit të gameplay-it. Sinqerisht kjo është thjesht një prezantim i njerëzve që janë veshur çuditshëm, duke luftuar dhe duke vdekur në mënyra nga më brutalet. Ndiqeni videon deri në fund për të parë disa mënyra mjaft kreative të të humburit të jetës.
E treta në listë është traileri i prologut të historisë. Pavarësisht se nuk tregon ndonjë zënkë në të ja del më së miri të jetë videoja më shqetësuese e të gjithë tufës. Çfarë ndodh kur luan gijotinash me një të pavdekshëm? Mund t’ju themi që imortaliteti nuk është edhe aq i këndshëm sa ç’mendohet të jetë.
Traileri i katërt është prezantimi i Geras, një shërbyes i fuqishëm dhe besnik i Kronika, që ka aftësinë e të manipuluarit të kohës dhe gjithashtu mundësinë e të zhvedosurit të truve të dikujt nga kafka e tyre. Kronika, perëndesha e kohës është një hyrje e re. Ajo shfaqet edhe në trailerin e prologut dhe si duket ka një lloj mosmarrveshjeje me Raiden.
Dhe i fundit, por jo më pak i rëndësishmi. Traileri i Fatalities. Këtu kemi një seri të vdekjeve tmerrësisht të dhunshme. Si përshembull ngrirja e kafkës së dikujt vetëm që të mund ta coptosh në njëmijë pjesë më vonë, sepse kështu bëhen gjërat në Netherrealm. Nëse ende nuk e keni parë, po ju paralajmërojmë që rasti i sipërpërmendur është vdekja më pak grafike e gjithë trailerit.
Ndoshta kjo nuk duhej lënë për në fund të artikullit, por nëse jeni në moshë të vogël nuk është shumë ide e mirë ti shikoni këto video ose të luani Mortal Kombat. Gjithsesi zgjedhja është e juaja.
