Shkrimtarët e Infinity War tregojnë një skenë ku Doctor Strange vesh kostumin e Iron Man

Avengers: Infinity War është një film i paketuar me disa nga momentet më epike që fansat kanë parë përgjatë filmave të MCU, ndaj nuk është e çuditshme të zbulosh që njerëzit që janë në krye të këtye skenave, kishin më shumë ide se ç’mund të zinte një film dy orë e gjysmë.

Fundjavën që lamë pas, screenwriters-at e Infinity War, Christopher Markus dhe Stephen McFeely morën pjesë në “Quarantine Watch Party” në Twitter nga ComicBook. Gjatë këtij eventi ata ndanë shumë detaje dhe foto nga prapaskenat. Ndër to ishte një foto që tregonte se në Infinity War Doctor Strange mund të ishte në kostumin e Iron Man.

Kjo foto në set e Benedict Cumberbatch ku vesh pjesën e sipërme të kostumit ikonik të Tony, ishte nga një skenë alternative e Infinity War ku Iron Man dhe Spider-Man shpëtojnë Strange nga minioni telekinetik i Thanos. Sipas McFeely ky ishte një nga versionet e tjera të mënyrës së shpëtimit të tij. Në fund kjo ide u hoq pasi ishte thjesht “shumë fantastike dhe e gjatë” për tu mbajtur.

Me shumë gjasa kjo ka për t’i zhgënjyer fansat që e shohin personazhin e Cumberbatch si më superior, por të paktën gjërat do të rregullohen për ta në filmin e Doctor Strange, Doctor Strange in the Multiverse of Madness… pas dy vitesh.