Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Fundi i vitit 2021 ka ardhur pas një rrugëtimi goxha të gjatë. Dhe si çdo fundvit, ne do t’iu sjellim një përmbledhje rreth asaj që ndodhi në botën e gaming dhe çfarë impakti pati.
Edhe pse fundi i 2020 na la me shijen e keqe të Cyberpunk 2077 dhe Game of The Year, 2021 nisi me disa lojëra goxha interesante të cilat na bënë t’i harronim këto gjëra.
Hitman 3 na solli një argëtim të madh në formën e një vrasësi duke na lejuar që të kryenim vrasje nga më të ndryshme duke përfshirë këtu banane ose salmon. Të mos harrojmë edhe meme e shumta që kjo lojë solli. Gjithashtu hidhini një sy review tonë të Hitman 3.
Shkurt nuk ishte se pati shumë lojëra që ranë goxha në sy. Persona Strikers ishte një hyrje interesante në zhanrin hack ‘n’ slash dhe u gëzuam që pamë diçka nga seria e lojërave Persona në PC. Gjithashtu gjatë këtij muaji të mos harrojmë lojën hit e cila bëri shumë njerëz për vete, Valheim.
Valheim ishte goxha argëtues duke na lejuar të ndërtonim shtëpinë tonë si një viking në një botë të mbushur me krijesa mitike dhe magjike. Duke marrë parasysh që ishim akoma në karantinë, Valheim na ndihmoi që ta kalonim këtë kohë duke u marrë me të.
Dhe nuk mund të harronim pa përmendur lojën që fitoi Game of the Year, It Takes Two. It Takes Two iu vendos në një aventurë co-op si një çift në krizë divorci në botën e lodrave të fëmijës së tyre. Do qeshni kur ta dëgjoni, por besojmë se It Takes Two ishte një “relationship therapy” i nevojshëm për shumë çifte duke marrë parasysh kohën e madhe që kanë kaluar bashkë në 2021 për shkak të karantinës. Por në fund të ditës, është një lojë e shkëlqyer.
Fatkeqësisht ose fatmirësisht 6 mujori i parë i vitit 2021 nuk kishte shumë lojëra që bënë një “boom” të madh por nuk mund të themi të njëjtën gjë për 6 mujorin e dytë të këtij viti. Me një larmishmëri lojërash si Psychonauts 2, Life is Strange: True Colors, Sable, Deathloop(loja që më pëlqeu më shumë), Back 4 Blood, Forza Horizon 5, Halo Infinite, Guardians of Galaxy dhe Final Fantasy 14: Endwalker.
Secila prej tyre ishte fantastike në mënyrën e vet duke nisur nga Life is Strange: True Colors me një histori goxha emocionuese dhe prekëse, Deathloop me botën e bukur që kishte krijuar dhe që na torturoi shumicën e kohës dhe Forza Horizon e cila ishte një “masterpiece” sipas Fatjonit. Një pjesë të mirë të këtyre lojërave arritën t’i bënim review prandaj më poshtë po iu lë disa prej tyre.
Të mos harrojmë edhe GTA Trilogji e cila të themi të drejtën ishte një “Cyberpunk 2077” i vitit 2021 deri diku. Përvec ndryshimeve goxha të vogla dhe përmirësimeve grafike, loja ishte pothuajse e njëjtë.
Por përveç lojërave të reja, gaming u impaktua nga shumë faktorë të tjerë. Lançimi i komponentëve gaming më të fuqishëm nga Intel, AMD dhe Samsung solli një përmirësim të madh për lojërat. Kriptomonedhat filluan të merrnin një formë të re të quajtur NFT të cilat së fundmi po fillojnë të futen edhe në lojëra të ndryshme si një forme e re microtransactions dhe po shiten me çmime marramendëse.
Por gjëja më e rëndësishme e cila vazhdon të ngelet problem nga 2020 është kriza me PS5 dhe GPU të cilat ose nuk janë në stock ose kanë një çmim të lartë.
