Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Lojërat do të përdorin në maksimum potencialin e next-gen
Ubisoft ka zbuluar lojërat e tyre të para për Playstation 5 dhe Xbox Scarlett. Në një mbledhje financash këtë javë, CEO i Ubisoft Yves Guillemot konfirmoi se pesë lojëra që pritet të vijnë në vitin fiskal 2021 do të lançohen si në gjeneratën e tanishme, ashtu edhe në konsolat next-gen.
Ndër këto lojëra përfshihen Watch Dogs: Legion, Rainbow Six Quarantine, Gods & Monsters si dhe 2 lojëra të tjera që ende nuk janë zbuluar. Viti fiskal i Ubisoft fillon nga 1 prilli i 2020 deri në 31 mars të 2021, ndërkohë që Playstation 5 dhe Xbox Scarlett pritet të lançohen në fund të 2020.
“Këto 5 lojëra do të jenë në gjeneratën e tanishme dhe të ardhshme të konsolave dhe do të shfrytëzojnë në maksimum veçoritë e reja të konsolave next-gen,” – tha Guillemot. “Do të jetë interesante për lojtarët, të cilët do të mund të shkarkojnë veçoritë e reja të lojërave shumë më shpejt. Lojërat do të kenë framerate më të mirë, pra ka shumë elemente që do të vijnë me konsolat e reja.”
Watch Dogs: Legion, Rainbow Six Quarantine dhe Gods & Monsters u shtynë të gjitha, dhe tashmë pritet të lançohen në 2020-2021.
Me PS5 dhe Scarlett që do të vijnë në fund të 2020, me shumë mundësi do të shohim dhe më shumë lojëra të tjera në të dyja gjeneratat e konsolave nga të gjithë zhvilluesit. Gjatë kalimit të fundit nga PS3 në PS4 dhe nga Xbox 360 në Xbox One, disa prej tyre ishin Watch Dogs, Assassin’s Creed IV: Black Flag, Battlefield 4 dhe Call of Duty: Ghosts.
