Sukses për Nintendo: Arrin numrin më të lartë të shitjeve në dhjetor

Nintendo ja del të parakalojë EA si publikuesi me më shumë shitje fizike

Pushimet duket se kaluan në mënyren më të mirë për Nintendo, duke shitur mjaftueshëm kopje fizike të lojrave të tyre për t’u shpallur publikuesi me shitjet më të larta gjatë muajit dhjetor. Pjesa më e madhe e këtij suksesi vjen për shkak të Super Smash Bros. Ultimate, lojë e cila shiti plot 284,155 kopje fizike, por jo vetëm. Lojëra të tjera si Mario Kart 8 Deluxe dhe Pokémon: Let’s Go, Pikachu! gjithashtu arritën të shisnin një numër të konsiderueshëm kopjesh, me Mario Kart duke ju bashkëngjitur Smash në listën e 10 lojërave më të shitura për këtë muaj.

Megjithëse Nintendo nuk arriti të merrte vendin e parë në renditje për lojën më të shitur – me Red Dead Redemption 2, FIFA 19 dhe Call of Duty: Black Ops 4 të cilat shitën më shumë kopje se Smash – Nintendo Switch arriti të shpallej konsola e dytë me më shumë shitje, duke mbuluar plot 29.5% të shitjeve totale fizike për konsola, me Playstation 4 në vend të parë me 39.7%.

Por, “trofeu” i vërtetë për Nintendo është të qënurit publikuesi me më shumë shitje për muajin dhjetor. Me plot 19.3%, ata arritën tja kalonin EA, e cila arriti të shiste 13.6% me lojra si FIFA 19 dhe Battlefield V.

Më poshtë keni listën e plotë të 20 lojërave më të shitura gjatë muajit dhjetor në Mbretërinë e Bashkuar:

1. Red Dead Redemption 2
2. FIFA 19
3. Call of Duty: Black Ops 4
4. Super Smash Bros. Ultimate
5. Battlefield V
6. Spyro Reignited Trilogy
7. Mario Kart 8 Deluxe
8. Forza Horizon 4
9. Crash Bandicoot N.Sane Trilogy
10. Spider-Man
11. Fortnite: Deep Freeze Bundle
12. Pokemon: Let’s Go, Pikachu
13. Assassin’s Creed Odyssey
14. Just Cause 4
15. Fallout 76
16. Super Mario Party
17. WWE 2K19
18. Just Dance 2019
19. Shadow of the Tomb Raider
20. Grand Theft Auto V