Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sony po përgatit një spin-off të ri.
Një film i ri spin-off i Spider Man është në punë e sipër, por ai nuk ka për të qenë pjesë e MCU. Sipas raportimeve, Sony ka punësuar shkrimtarin e Amazing Spider-Man 2,Roberto Orci, për të shkruajtur një spin-off të ri. Ende nuk dihet se në cilin personazh do të fokusohet filmi.
Gjëja kryesore që duhet të dimë këtu është se ky film do të jetë pjesë e universit të Sony për Spider-Man dhe jo atij të MCU. Te “universi” i Sony përfshihet edhe Venom dhe Morbius.
Përsa i përket Roberto Orci pastaj, ai është praktikisht një veteran i Hollywood. Ai ka ndihmuar në krijimin e serialeve si Fringe dhe Hawaii Five-O reboot. Ai gjithashtu ka shkruajtur filmat e rinj të Star Trek dhe Mission: Impossible III.
Sa për universin comic-book të Sony, filmi i rradhës është Morbius, i cili ka si protagonist Jared Leto. Filmi do të vijë në korrik, ndërkohë që Venom 2 me Tom Hardy do të pasojë në tetor.
Sony dhe Disney (që ka Marvel) kishin një konfrontim për të ardhmen e Spider-Man në MCU vitin që lamë pas. Sony kishte në plan të vazhdonte vetë me filmat e Spider-Man, por fatmirësisht dy palët ranë në një marrëveshje dhe Spider-Man i Tom Holland do të vazhdojë të qëndrojë në MCU për momentin.
