Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Filmi do të jetë pjesë e Marvel Cinematic Universe dhe do të lançohet në 2021.
Një film i tretë i serive të Spider-Man me Tom Holland si protagonist dhe i vendosur në Marvel Cinematic Universe do të vijë në 2021. Jeni të lutur të hidheni përpjetë nga gëzimi, unë po e bëj. Historia që do të ndërtohet e bazuar në eventet e Spider-Man: Homecoming dhe Spider-Man: Far From Home do ta ketë premierën në 16 korrik të 2021.
“Jam shumë i emocionuar që udhëtimi i Spidey në MCU do të vazhdojë dhe të gjithë ne në Marvel Studios jemi shumë të lumtur që do të vazhdojmë të punojmë me të.” Është shprehur presidenti i Marvel Studios, Kevin Feige. “Spider-Man është një ikonë dhe një hero, historia e të cilit lidhet me të gjitha moshat dhe audiencat në mbarë botën. Ai është gjithashtu i vetmi hero me aftësinë për të ndërruar universet kinematike, ndaj teksa Sony vazhdon të zhvillojë Spidey-verse nuk mund të dihet çfarë surprizash rezervon e ardhmja.”
Filmi i tretë i Spider-Man do të lançohet në 2021, duke u bërë filmi i katërt i Marvel që do të publikohet në atë vit. Tre të tjerët janë Shang-Chi and the Legend of the Ten Rings, Doctor Strange in the Multiverse of Madness, dhe Thor: Love and Thunder.
Para pak kohësh u diskutua për prishjen e marrëveshjes mes Sony dhe Marvel mbi të drejtat e Spider-Man dhe të gjithë fansat ishin të shokuar. Që kur Spider-Man ju bashkua MCU mund të themi me plot gojën se rifitoi lavdinë e dikurshme.
Gjithsesi në fund duket se gjërat u mbyllën për më mirë. Fansat do të marrin filmin e tretë që ju premtua dhe më në fund do të zbulojmë se çfarë ndodh pas asaj post credits scene në Spider-Man: Far From Home. Siç thamë edhe më lart, filmi do ta ketë premierën në 16 korrik të 2021.
