Lojtarët protestojnë kundër Epic Store duke shfryrë inatin në Steam

Gamerat janë të pakënaqur me ekskluzivitetin e Metro Exodus në Epic dhe po e shfryjnë inatin në një vend tjetër.

Vendimi për të bërë lojën Metro Exodus ekskluzive të Epic Games Store, tre javë para lançimit ekskluziv të saj erdhi shumë e papritur për komunitetin. Kjo për faktin se loja kishte kohë që qëndronte e disponueshme për pre-order në Steam. Në fakt loja është 10 dollarë më lirë në Epic Store për klientët nga SHBA. Gjithsesi kjo ulje nuk shkoi në përpjestim të drejtë me pakënaqësitë e gamerave.

User reviews nuk mund të postohen në faqen e Steam të Metro Exodus, ndaj gamerat që ndjeheshin të prekur nga kjo situatë e kthyen vëmendjen diku ku mund të shfrynin dufin. Pikërisht në paraardhësit e lojës në Steam, Metro 2033 Redux dhe Metro: Last Light Redux. Të dyja tregojnë reviews negative të kohëve të fundit.

Shumica e tyre janë thjesht negative pa ndonjë shpjegim konkret se pse. Ato pranojnë se 2033 dhe Last Light janë lojëra të mira, por se gjenden personalisht të pakënaqur me ekskluzivitetin e Epic. Edhe kërcenimet e piratimit në vend të blerjes normale janë prezente.

Numrat mund të mos kenë impakt të madh, por nuk janë as të vogla në shifra. Vetëm brenda datave 28-30 janar Metro 2033 mori 891 review negative, ndërkohë që shoqja e saj mori 863.

Nuk është hera e parë që reviewsat negative përdoren në shenjë proteste lidhur me një lojë, por është një rast i pazakonte, sepse lidhet me dicka që as nuk po ndodh në Steam. Kjo është e rëndësishme, pasi sado që Epic Store po i ecën shumë mirë puna kohët e fundit, dyqani dominues mbetet Steam.

Situata gjithashtu është ironike. Epic Games Store përballet me kritika sepse ka mangësi në tipare bazë si user reviews. Gjithsesi themeluesi i Epic, Tim Sweeney tha në dhjetor se ky problem do të ndreqej së shpejti. Tensionet mes Epic dhe Steam po vazhdojnë të rriten dita ditës ashtu siç edhe ishte parashikuar. Na mbetet vetëm të shohim se si do të ecin gjërat në të ardhmen.