Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Duket se zhvilluesi nuk është kundra diçkaje të re
Lojërat battle royale janë kthyer tanimë në zhanrin më popullor e shumë e shumë zhvillues po tentojnë të krijojnë lojërat e tyre për t’u bërë sado pak pjesë e saj. Studio më e fundit e cila ka shprehur interesin për të lançuar një lojë të tillë është FromSoftware, e cila shquhet për lojëra si Dark Souls, Bloodborne dhe lojën e ardhshme, Sekiro: Shadows Die Twice.
Specifikisht, krijuesi i Dark Souls, Hidetaka Miyazaki, shprehu në një intervistë interesin e tij për lojërat battle royale. I pyetur nëse mund të presim në të ardhmen nga FromSoftware në zhanrin battle royale, ai thotë: “Ka gjithmonë një mundësi. Këto lojëra janë padyshim argëtuese. Nëse do e krijonim një të tillë, do të ishe diçka ndryshe. Megjithatë, ne padyshim jemi të interesuar dhe ka gjithmonë mundësi në të ardhmen. Do të donim t’a provonim në një pikë.”
Më pas, krijuesi i referohet lojërave single-player. Ai ende beson se ka një treg për eksperienca të tille unike dhe pse lojërat multiplayer e sidomos ato battle-royale janë tepër popullore momentalisht.
“Pavarësisht se çfarë FromSoftware po bën, na duhen njerëz për të krijuar lojëra battle royale e multiplayer dhe na duhen gjithashtu njerëz për të krijuar lojëra të fokusuara në single-player. Ky diversitet është ajo çfarë i tërheq të gjithë, e sidomos lojtarët.”
Si duket kompania nuk do ti thotë jo një loje Battle Royale dhe ndoshta në të ardhmen e thëna do të kthehet në të bërë. Gjithsesi, Miyzaki vazhdon të besojë në fuqinë e lojërave single-player. Le të mos harrojmë se loja e ardhshme e kompanisë është Sekiro: Shadows Die Twice, një eksperiencë single-playeri që kap anët e errëta të Japonisë. Loja do të lançohet në 22 mars për PS4, Xbox One dhe PC.
