Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Pavarësisht vështirësive të ndryshme që Ubisoft ka hasur, përsëri kjo kompani na surprizon si çdo herë.
Pavarësisht se COVID-19 ka shtyrë ose anulluar shumë evente të botës së gaming, Ubisoft nuk është ndikuar shumë nga kjo gjë. Mbrëmjen e djeshme Ubisoft prezantoi Ubisoft Forward, një event online të cilin mund ta ndiqnit në Twitch ose në platforma të tjera. Gjatë këtij eventi u zbuluan plane për disa prej lojërave ekzistente por gjithashtu u prezantuan edhe shumë lojëra të shumëpritura nga fansat.
Hyper Scape
Edhe pse Ubisoft kishte bërë një njoftim në kohën kur zhanri Battle Royale pati një rritje të madhe se nuk do të merrte pjesë në ketë garë, por sot mesa duket kanë ndryshuar mendimin në lidhje me ketë gjë. Para disa ditësh Ubisoft prezantoi Hyper Scape në beta, një lojë Battle Royale e cila do të jetë free-to-play. kjo lojë eshtë vendosur në të ardhmen, ne vitin 2054. Gajtë lojës lojtarët mund të gjejnë hacks(ability) të cilat iu mundësojnë lojtarëve të kenë plumba pa fund, të krijojnë një mburojë ose të teletransportohen. Gjithashtu kjo lojë do të ofroj një shumëllojshmeri armësh dhe kombinimesh të tyre të cilat mund të përmirësohen përmes hacks. Hyper Scape tashmë është në open beta për të gjitha lojtarët kudo në botë. Akoma nuk ka një datë për daljen nga beta por developers janë shprehur se ata do te ndjekin me kujdes beta dhe nuk duan të kryejnë veprime të nxituara.
Watch Dogs: Legion
Kësaj here Ubisoft ka vendosur që kjo lojë të zhvillohet në Londër ku është vendosur rregjim autoritar i cili vëzhgon këdo në çdo hap të tij dhe çdo shkelje e ligjit dënohet. Një prej veçorive kryesore të kësaj loje është se ti mund të rekrutosh çdo person që sheh në rrugët e Londrës dhe ta luash atë person duke filluar nga njerëzit e thjeshtë, personat të cilët janë pjesë e këtij rregjimi, vrasës, spiuna dhe deri tek pleqtë.
Gjatë cinematic trailer-it të prezantuar mund të shikonim gameplay e lojës dhe gjithashtu mënyra të ndryshme të kryerjes së një misioni nëpërmjet personazheve të ndryshmë duke përdorur një ekspert të dronëve i cili përdor një mini robot ose një ndërtues të thjeshtë i cili mund ta kryej misionin duke përdorur veglat e tij. Watch Dogs: Legion do të lançohet më 29 tetor të këtij viti.
Far Cry 6
Far Cry gjithmonë ka ardhur ndryshe dhe asnjëherë nuk na ka lënë pa surprizuar. Kësaj radhe kjo lojë do të zhvillohet në një shtet diktatorial të quajtur Yara që udhëhiqet nga një diktator mizor. Gjithmonë në trailer-at e serisë Far Cry është prezantuar antagonisti ku në këtë lojë do të jetë udhëheqësi Anton Castillo. Sipas shtypit Castillo po përpiqet të rikthej shtetin e tij në famën e mëparshme duke udhëzuar djalin e tij Diego të ndjek hapat e tij dhe duke vënë në kontroll këdo që nuk ndjek vizionin e tij. Në trailer shohim Castillon duke i shpjeguar djalit të tij se pushteti dhe populli i tij është si një granadë duke e lënë të mbaj në duart e tij një granadë të vertetë.
Gjatë kësaj loje, lojtarët do të mund luajnë si Dani Rojas ku lojtari mund të vendos në qoftë se do të jetë femër apo mashkull. Dani do të jetë pjesë e revolucionit dhe ai gjithashtu do të shoqërohet nga Chorizo, një qen wiener, veçori kjo e prezantuar në Far Cry 5. Yara do të ketë gjithashtu shumë vende për të eksploruar duke filluar nga ambienti urban i kryeqytetit të Esperanza , xhunglat dhe deri tek plazhet. Far Cry 6 do të lançohet më 18 shkurt 2021.
Assassin’s Creed Valhalla
Në serinë e 12 të saj, Assassins Creed Valhalla kësaj here vjen në kohën kur vikingët pushtojnë mbretërinë Anglo-Saksone.Kjo video ishte berë leak më përpara në Reddit dhe mesa duket Ubisoft e ka konfirmuar ketë leak. Personazhi kryesor i kësaj seri do të jetë Eivor një viking pushtues i cili përfshihet në konfliktin midis Templar Order dhe Brotherhood of Assassins. Eivor mund të luhet si femër ose si mashkull, në varësi të preferencës së lojtarit. Gjatë kësaj serie lojtarët do të kenë mundësi të krijojnë aleanca të ndryshme ose të pushtojnë, të shkojnë për gjueti ose të eksplorojnë dete dhe vende të paeksploruara ndonjëherë.
Lojtarët do të kenë mundësi të zgjedhim skills të ndryshëm dhe gjatë gameplay mund të shohim një shumëllojshmeri armësh të ndryshme të cilat mund ti kombinoni me skills. Diçka tjetër së cilës nuk do ti mungoj kjo lojë do të jetë veprimi me ambientin. Lojtarët mund marrin pjesë në drinking games ose aktivitete te ndryshme të cilat janë të lidhura me kulturat e tyre. Gjatë gameplay gjithashtu vihet re një njoftim i cili thotë që loja është akoma në progres dhe se mund të ndryshoj. Assassins Creed Valhalla do të lançohet 17 nëntor.
Elite Squad
Përvec lojërave në PC ose konsola, Ubisoft do të vij edhe në mobile dhe kësaj here me lojën Elite Squad. Kjo lojë do të jetë free-to-play RPG ku do të përfshij karaktere nga universi i Tom Clancy si Splinter Cell, Ghost Recon, Rainbow Six dhe The Division. Lojtarët do të ndahen në skuadra 5v5 dhe ku do t’iu duhet të përdorin strategji të ndryshme për të fituar. Kjo lojë gjithashtu do të përfshijë edhe një campaign mode që do të prezantoj një histori të re. Elite Squad do të lançohet për Android dhe iOS më 27 gusht.
Brawlhalla
Pas suksesit të madh që kjo lojë fighting pati, Ubisoft ka vendosur ta zgjeroj atë edhe ne platforma të tjera. Kësaj here ajo do ta zgjeroj ketë lojë edhe në mobile. Lojtari do të ketë mundësi të ndryshoj controls sipas preferencës duke e bërë më të lehtë ndërveprimin me lojën. Gjithashtu do të jetë e mundur edhe përballja me lojtarë nga platforma të tjera. Nuk është bërë akoma e ditur një datë për lançimin e kësaj loje në Android dhe iOS por besoj se kjo do të jete në fund të këtij viti ose në fillim të vitit tjetër.
