DLC shton ushtare femra në Battlefield 1

EA ka ofruar disa detaje të mëtejshme për planin dytësor të zgjerimit për Battlefield 1, In the Name of the Tsar, dhe duket se kjo paketë do të prezantojë diçka që fansat kanë pritur prej kohësh. Ushtaret femra do t’i bashkohen trazirës, frymëzuar nga Batalioni i Vdekjes së femrave Ruse.

Në 1917, një grua fshatare e quajtur Maria Bochkareva e cila kishte shërbyer në ushtrinë Ruse që në 1914, i bëri një peticion zyrtarëve për të formuar një batalion me ushtare femra. Ministri i luftës e autorizoi këtë iniciativë, dhe Batalioni i Vdekjes së femrave do të bëhej i famshëm për iniciativën e shfaqur për të dalë në frontin e parë dhe për të sprapsur forcat kundërshtare.

Një postim në faqen zyrtare në Twitter të Battlefield-it konfirmoi se Batalioni i Vdekjes së femrave do të prezantohet në Battlefield 1. Mesa duket kjo njësi do të përfaqësohet nga klasa Ruse skout në multiplayer.

Ideja e të pasurit ushtare femra është diskutuar edhe më parë. Në 2013, një producent i Battlefield 4 shpjegoi se DICE nuk dëshironte ta bënte këtë pa arsye, edhe pse rivalët FPS, Call of Duty: Ghosts, ishin gati të ofronin karaktere femra në lojën e tyre.

Producenti citoi që kostoja e krijimit të modeleve të reja të karaktereve dhe regjistrimi i zërit ishin arsyet se pse karakteret femra nuk ishin të mundura për t’u luajtur në Battlefield 4. Meqë karakteret femra po prezantohen nëpërmjet DLC në Battlefield 1, duket që studioja ka gjetur një mënyrë për të balancuar këta faktorë.

Nuk është sekret fakti që DICE dëshiron ta bëjë Battlefield 1 një përfaqësim të detajuar në Luftën e Parë Botërore, kështu që na vjen mirë të shohim një studio qe përpiqet të përfaqësojë të gjithë spektrin e njerëzve të cilët humbën jetën gjatë konfliktit. In the Name of the Tsar do të prezantohet në EA Play 2017 e cila do të mbahet në 10 Qershor, 2017.

Battlefield 1 mund të luhet tashmë në Playstation 4, Xbox One dhe PC.