Demoja e Resident Evil 2 është live në PC dhe konsola

Keni 30′ kohë për të kryer aventurën tuaj .

Demoja e shumëpritur e remake-ut të Resident Evil 2 tani është lançuar për PC, PS4 dhe Xbox One. Do ju japë fiks 30 minuta kohë për të shijuar horrorin siç duhet. 30 minuta mund të ngjajnë pak, por njerëzit po e plotësojnë sektorin për rreth 20 minuta, ndaj mos u shqetësoni shumë.

Tridhjetë minuta nuk është shumë kohë e gjatë për të mbijetuar, por gjithsesi ka plot kohë për të vdekur në mënyrë të vazhdueshme ose për tu fshehur në një dhomë në momentin e parë që haseni me një zombie. Gjëja e rëndësishme që duhet të mbani mend është limiti kohor që duhet të shfrytëzoni përpara se të kyçeni jashtë. Prandaj quhet dhe “1-Shot Demo”. Në momentin që mbaroni, ju duhet të prisni deri në 25 janar për të luajtur më shumë.

Demoja e Resident Evil do të jetë e disponueshme në datat 11 deri në 21 janar. Një javë derisa loja e plotë të vijë për publikun.

Kjo demo trajton një periudhë të hershme të lojës teksa polici Leon Kennedy arrin në Raccoon City Police Station. Capcom thotë se do të keni një objektiv të caktuar të misionit për të plotësuar dhe se do të keni mundësinë ta startoni demon nga e para nëse e plotësoni me sukses ose nëse vdisni në një mënyrë vërtet të tmerrshme. Çfarëdo mënyre që ju zgjidhni ta luani lojën, një countdown i 30′ do të jetë vazhdimisht në ekran. Në fund fare një trailer do të shfaqet dhe kjo është pak a shumë çdo gjë që gjendet në demon e Resident Evil 2.

Edhe nëse i jepni exit dhe më pas restart, demoja do të mbajë mend se sa minuta keni shpenzuar në të. Nëse ju mbarojnë 30 minutat ju nuk mund të luani më. Aspak dorlëshuar kjo nga ana e Capcom. Gjithsesi ideja është e ekspozimit të vetëm një pjese të lojës.

Shkarkimi i kësaj demoje do të jetë falas për të gjitha platformat, përkatësisht në datat e caktuara të saj. Capcom nuk ka thënë shumë se sa hapësirë mund të zërë kjo demo, por duke llogaritur që masa e lojës së plotë është 21.07 GB në Microsoft Store, nuk duhet të jetë me e madhe se aq.