Death Stranding mund të vijë në Google Stadia

Kjo do të ndryshonte çdo gjë për platformën e streaming.

Hideo Kojima ka pastuar një foto në Twitter me kreun e Google Stadia, Jade Raymond, duke i lënë të gjithë të mendojnë se DeathStranding mund të mos jetë fare një lojë ekskluzive e PlayStation 4.

Në Tweet përmendej se Jade Raymond, kreu i Google Stadia Games and Entertainment u takua me Hideo Kojima në studiot e zhvillimit të Kojima Productions. E gjitha mund të ishte edhe një vizitë e thjeshtë, por probabiliteti më i madh është që u takuan për të diskutuar mundësinë e ardhjes së Death Stranding në Google Stadia.

Duhet të përmendim se edhe Jade Raymond është duke u përpjekur shumë që Google Stadia të jetë një hit dhe që shërbimi të lançohet me disa lojëra ekskluzive në fillimin e tij. Kur i marrim këto gjëra parasysh, jemi të sigurtë që Raymond do të shikojë Death Stranding në Stadia, për ti dhënë platformës një shtyrje edhe më të madhe përpara.

Nuk duhet të harrojmë edhe një nga deklarat e fundit të Kojima, kur u shpreh se e ardhmja e gaming qëndron te Streaming. Ndoshta kjo ishte referencë për Google Stadia.

Krahas kësaj, Jade Raymond më vonë postoi se ju dha mundësia të shikonte lojën Death Stranding. Siç mund të prisnim, ajo tha se ishte një tjetër kryevepër nga ato të Kojima Productions.

Qarkullojnë fjalë se Death Stranding do të jetë vetëm përkohësisht ekskluzive për PlayStation 4. Plus mungesa e një logoje ekskluzive në kopertinën e lojës së ardhshme të Kojima gjithashtu të lë të mendosh se loja do të lançohet në ndonjë lloj platforme tjetër.

Sigurisht që është e mundur që mungesa e kësaj logoje të vijë, sepse do të duan që ta rilançojnë lojën edhe për PS5, por për të parë nëse ndonjë nga këto teori do të rezultojë e saktë, do të duhet të presim.

Death Stranding do të publikohet në 8 nëntor të 2019s. Lojtarët mund ta porosisin herët lojën në PlayStation Store.

Stadia nga ana tjetër do të vijë gjithashtu në nëntor të 2019s në 14 vende. Lojtarët do të paguajnë $12 në muaj për shërbimin 4K. Nëse Death Stranding vjen ndonjëherë në Google Stadia, lojtarët do të mund ta luajnë në telefona, Smart TV, dhe në browserin e Chrome-it.