Avengers: Endgame është zyrtarisht filmi numër 1 në botë

Filmi sapo theu rekordin e Avatar në box office.

Avengers: Endgame është tani zyrtarisht filmi me fitimet më të mëdha në box office në histori. Me $7 milion fitime të paraportuara në mbarë botën dhe $1.5 milion të marra nga risjellia e filmit në kinema, filmi epik i MCU arriti $2.7902 miliardë fitime.

Presidenti i Marvel, Kevin Feige e njoftoi këtë të dielën gjatë San Diego Comic-Con. Ky është një moment historik, për të gjithë fansat e Avengers, specifikisht sepse filmi ka qenë që në fillim kokë më kokë me Avatar, të James Cameron.

Avatar kishte vendin e parë në box office, por gjithsesi Endgame u rrit me ritme të shpejta. Vetëm pesë ditë pas publikimit filmi fitoi  $ 1.2 miliardë, duke thyer rekord botëror për këtë afat të shkurtër kohor. Më vonë për vetëm 11 ditë filmi kapi $2 miliardë , duke thyer një tjetër rekord. Avatar nga ana tjetër i është dashur 47 ditë që të kapte atë shifër.

Problemi i vetëm në këtë rritje kolosale fitimesh ishte fakti që pak më vonë në kinema do të vinin filma si Aladdin, Dark Phoenix dhe Toy Story 4. Sigurisht që filmi ju afrua pafund shifrës së vendosur nga Avatar i Cameron, por nuk ja doli ta thyente brenda xhiros së saj në kinematë botërore.

Këtu Feige vendosi që Avengers të risillej në kinema, këtë herë me post credit scenes dhe skena të tjera shtesë që ishin prerë nga versioni i parë. Fitimet e marra nga kjo plus, kalkulimet më të fundit në fitime botërore bëjnë të mundur që sot, Avengers: Endgame të jetë filmi me fitime më të mëdha në box office në botë.

Nuk dihet se sa do të vazhdojë të qëndrojë në krye të këtij vendi. Një teori sugjeron se meqë Avatar do të vijë në Disney + mund të manovrojë tja kalojë prapë Endgame, por ne do të shpresojmë që kjo gjë nuk do të ndodhë.

Edhe vetë James Cameron, legjenda që ka kaq shumë filma në krye të listës së box office-it botëror, përgëzoi vëllezërit Russo për thyerjen e rekordit.

Edhe vëllezërit Russo e kthyen shpejt komplimentin, duke falenderuar Cameron që i frymëzoi për tju futur botës së filmave që në fillim.

Avengers Endgame ja doli të thyente një rekord 10-vjeçar, por se sa do të mund ta mbajë është diçka që ende shihet me pikëpyetje. Gjithsesi filmi ishte padyshim një nga më fantastikët që kemi parë ndonjëherë në botën e superheronjve dhe gjithashtu edhe një mbyllje fantastike për fazën e 3 të MCU, por dhe për sagën e heronjve si Iron Man dhe Captain America.