Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kjo do të sillte fundin e MacOS gaming
Një raportim i ri sugjeron se Apple po konsideron të bëjë ndërrimin në ARM chips në kompjuterat Mac vitin e ardhshëm. Gjigandi i industrisë kompjuterike ka qenë duke pritur që ta bëjë ndërrimin në të gjitha produktet e tij herët a vonë, por asnjë datë nuk ishte vendosur deri tani. Gjithsesi zyrtarët dhe zhvilluesit e Intel po presin që ky ndërrim të nisë në 2020ën.
Kompjuterat Mac të Apple janë në thelb të njejtë me PC e tjera të gaming, duke u bazuar këtu në memorie, storage, GPU e deri te proçesorët x86 përbrenda. Gjithsesi e gjitha kjo do të ndryshojë nëse kompania lë pas setin e Intel dhe kalon në chip-et e dizenjuara nga vetë Apple.
Ky ndërrim jo vetëm që do të lejojë Apple të jetë më i izoluar në bërjen e çipeve të tij, por do të mund të shkrijë së bashku të gjithë app storet në një dyqan uniformë me aplikacione të disponueshme në të treja platformat.
Personat e brendshëm të industrisë besojnë se tranzicioni në dizajnet ARM-based ScO të Apple do të nisë vitin e ardhshëm. Projekti i ashtëquajtur “Marzipan” do të jetë i përfunduar deri në 2021, ngjarje kjo që do të koeçidojë me kalimin nga x86 në ARM. Zhvilluesit pra do të kenë mundësinë të krijojnë aplikacione për të gjithë ekosistemin e Apple njëheresh.
Ky ndryshim nuk është i pari për Apple. Kompania është mbështetur në çipet e Motorola dhe PowerPC në të shkuarën. Gjithsesi Intel ka qenë shtylla mbështetëse e Apple për më shumë se një dekadë dhe normalisht shkëputja prej tij nuk do të vijë shumë lehtë.
Nëse mendonit se gaming në Mac ishte i vështirë, me këtë kalim kjo vështirësi ka për tu shumëfishuar. Nuk është e thënë se kalimi në ARM do të zhdukë të gjithë gaming në këtë platformë. Në fakt App Store është krijuar në të tillë mënyrë që të lejojë cross-platform play. Përdoruesit e Mac do të kenë akses të gjerë në libraritë e gaming për iPhone dhe iPad, por në fund të ditës nuk është se do ja kalojë Steam.
Kjo lëvizje gjithashtu do të eleminojë Hackintosh dhe dual-booting për në Windows.
