Miles Morales kap majat teksa PS5 del përsëri në treg

Miles Morales është numri 1 në Mbretërinë e Bashkuar për herë të parë që nga lançimi i tij 4 muaj më parë.

Ka arritur të qëndrojë për një kohë të gjatë në top listën e lojërave më të shitura të Mbretërisë së Bashkuar. Sidoqoftë, për shkak të mungesës së PS5-ave dhe titujve të tyre ekskluzivë, Morales nuk e arriti kurrë numrin 1. Kjo tani ka ndryshuar për heroin e lojës, falë një rritje tjetër të shitjeve.

Miles Morales zuri numri 1 si loja më e shitur në kuti në Mbretërinë e Bashkuar javën e kaluar, duke ja kaluar më në fund Super Mario 3D World + Bowser’s Fury. Kjo lojë Switch ka qenë në krye të listës që kur u lançua pak më shumë se një muaj më parë. Ka të ngjarë se suksesi i Miles Morales vjen nga fakti që më shumë PS5-a dolën në shitje.

Edhe pse radhët virtuale mbeten të gjata, shitjet e rritura të Miles Morales dhe titujve të tjerë të PS5 shërbejnë si provë se më shumë njerëz po e gjejnë konsolën më në fund. Assassin’s Creed Valhalla është gjithashtu në vendin e 8 dhe Mortal Kombat 11 Ultimate në të 18-in. Për më tepër, 90% e shitjeve të tij vijnë nga lojtarë të PS5-ave.

Pavarësisht suksesit të lojërave PS5, Nintendo ende dominon listën. Përveç Miles Morales, top 5 më e mirë e javës së kaluar përbëhet nga tituj të Switch. Një titull që nuk do të gjendet më në listë në javët e ardhshme është Super Mario 3D All-Stars. Nintendo mbetet i vendosur për ta hequr atë nga shitja në fund të Marsit.

Për çudi, GTA 5 gjithashtu mbetet në top 10. Pothuajse 8 vjet nga lançimi i tij origjinal për PS3 dhe Xbox 360, çuditërisht shumë njerëz ende nuk e kanë atë, pavarësisht se është loja më e suksesshme Rockstar dhe ka shitur më shumë se 140 milion kopje në të gjithë botën. Ishte gjithashtu loja më e shkarkuar e PlayStation në Amerikën e Veriut muajin e kaluar. Ka shumë mundësi që Miles Morales të mos ketë atë lloj fuqie për të qëndruar në listë, por sidoqoftë është një lojë e shkëlqyeshme.