Lojtari i FIFA 21 zbulon sa kohë do të duhej për të zhbllokuar skuadrat FUT pa mikrotransaksione

Një fan i FIFA-s gjen se sa kohë i duhet lojtarëve të zhbllokojnë skuadrat e FUT duke luajtur pa ndërprerje, si dhe sa mund të kushtojë.

Konsideruar si një nga franchise-et më të suksesshme sportive në historinë e lojërave, FIFA ka qenë një titull i pranishëm nëpër konsola dhe PC për dekada deri më tani, duke u lançuar për herë të parë në mes të viteve 1990. Krahas titujve kryesorë, FIFA Ultimate Team i EA, ndonjëherë referuar si FUT, ka qenë një shtesë po aq e rëndësishme në seri për dekadën e fundit, me një fan që tregon dedikimin e tij duke llogaritur se sa kohë do t’i duhej për të fituar skuadrën e ëndrrave FUT.

Në një postim të fundit në Twitter, një fan i përkushtuar seriozisht i FIFA-s vendosi të llogariste për të parë nëse ai mund të merrte të gjithë lojtarët që ai dëshironte pa përdorur mikrotransaksione. Seria e tweet-eve tregon skuadrën e tij ideale FUT me qëllimin për të parë nëse ajo do të ishte e arritshme pa shpenzuar asnjë qindarkë të vetme. Përdoruesi i Twitter, me pseudonimin ScudzTV, tha se ekipi i tij i ëndrrave do të kërkonte 100 milion monedha në lojë për t’u formuar. Gjithashtu, ai vlerësoi se lojtarëve do t’i duheshin rreth 22,000 orë loje të vazhdueshme, 24/7, që është ekuivalente me rreth 916 ditë, ose 2 vjet e gjysmë. Mos të harrojmë që disa ditë më parë Presidenti i EA Sports, Peter Moore tha se loot boxes të FIFA Ultimate Team nuk konsideroheshin lojëra të fatit. Sidoqoftë, ScudzTV tha se atij do t’i duheshe të paguante gati £80,000 në total për ekipin e tij, që është rreth 111,400 dollarë amerikanë.

Në fillim të këtij muaji, EA nisi një hetim pasi u pohua se punonjësit në kompani po i shisnin karta të rralla FUT lojtarëve, disa prej të cilave kishin çmime prej mijëra dollarësh. Situata tërhoqi vëmendjen e shtëpisë botuese pasi fansat në Twitter bënë trending hashtag-un #EAGate, gjë që bëri që EA të jepte një deklaratë duke thënë se do të kishte pasoja për ata që kishin kryer aktin e paligjshëm, si dhe do të bënte ban lojtarët të cilët ishin të përfshirë.

Me atë që ScudzTV u tregon njerëzve në Twitter, shumë mund të mos jenë të befasuar nga sa kohë, përpjekje dhe/ose para duhet të derdhen në një lojë të botuar nga EA në mënyrë që të përfitojnë sa më shumë prej saj. Polemika rreth loot boxes në FIFA dhe lojëra të tjera, vazhdon ende, me disa vende, të tilla si Kanada, duke ngritur një padi kundër EA mbi dëmet e shkaktuara prej tyre. Ky rast na tregon se, duhet jashtë mase kohë dhe ka kosto të lartë për të krijuar skuadrën tuaj ëndërr në FUT dhe si gjithmonë kjo nuk e vë në pozitë të mirë EA dhe praktikat e saj të biznesit.

FIFA 21 është në dispozicion në PC, PS4, PS5, Switch, Xbox One dhe Xbox Series X/S.