Dragon Ball na surprizon me kapitullin e ri

Spoilers nga Dragon Ball Super më poshtë!!!

Momentalisht në manga e Dragon Ball Super po ndodhin goxha ngjarje dhe më në fund beteja kundër Gas erdhi drejt fundit me kapitullin e fundit të serisë. Por një draft i kapitullit të ri ka sjellë një rrjedhë të re ngjarjesh.

Para se të nisim, duam t’iu paralajmërojmë se më poshtë do të gjeni spoilers rreth Dragon Ball Super. Nëse doni që të zbuloni informacione rreth ngjarjeve të fundit të manga së Dragon Ball Super gjatë Granolah arc, atëhere vazhdoni më poshtë.

Edhe pse beteja midis Gas dhe protagonistëve të serisë ka mbaruar, ngjarjet kanë marrë një kthesë të papritur sipas disa paneleve të treguara së fundmi në Twitter. Fundi i Granolah arc bën të mundur mbylljen e konfliktit me Cerealian, Granolah, i cili kërkonte hakmarrje kundër Frieza dhe Goku bashkë me Vegeta për shkak se raca dhe familja e tij u vranë nga ushtria e Frieza.

Por gjatë fundit të këtij arc, Granolah mundi që të zbulonte dhe kuptonte se ai bashkë me mamanë e tij ishin mbrojtur në të kaluarën nga babai i Goku, Bardock. Edhe pse Bardock nuk ishte i aftë të shpëtonte të ëmën, ai arriti të shpëtonte Granolah kur ishte i vogël.

Dhe një postim në Twitter nga llogaria e DBS Chronicles tregon disa panele rreth kapitullit të ri të Dragon Ball që pritet të vijë së shpejti. Në këto panele mund të shohim Heeters teksa ata po përpiqen të shpëtojnë dhe në këto caste Namekian Minaito qëllohet nga një gjuajtje e cila duhet goxha e njohur.

Gjuajtja në fjalë është e ngjashme me ato të Frieza, të cilin nuk e kemi së fundmi duke marrë parasysh rëndësinë e tij gjatë arc të Granolah. Akoma nuk e kemi të konfirmuar nëse gjuajtja është me të vërtetë e Frieza apo jo por besojmë se një përballje e madhe pritet të ndodh në kapitujt e ardhshëm të serisë së manga të Dragon Ball Super.