Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Aplikacioni desktop i WhatsApp për Mac dhe PC pranon thirrje zanore dhe me video duke filluar që sot, njoftoi kompania, duke ofruar thirrje të enkriptuara end-to-end për përdoruesit në desktop si dhe mobile. Kjo do të thotë se WhatsApp dhe Facebook nuk mund të shohin ose dëgjojnë thirrjet tuaja.
Ka shumë kohë që pritet dhe më në fund versioni desktop i WhatsApp-it po merr një nga tiparet më të dobishme të aplikacionit celular, por kufizimi që ka kjo veçori do të zhgënjejë shumë njerëz pasi thirrjet në grup nuk mbështeten aktualisht nga aplikacioni desktop. Ju do të jeni të kufizuar në biseda vetëm me një person tjetër tani për tani. WhatsApp premton se në të ardhmen do të përfshijë mbështetje për thirrjet me zë dhe video në grup, megjithëse nuk është lajmëruar se kur mund të ndodhë një gjë e tillë.
Me këtë kufizim të pranishëm, mesa duket kjo risi nuk do të paraqesë kërcënim për rivalët e tjerë si Zoom, Skype ose Microsoft Teams.
Si ta përdorni këtë veçori?
Për të përdorur funksionin e ri të thirrjeve me video, duhet të konfiguroni aplikacionin desktop të WhatsApp në Mac ose PC, i cili kërkon që të jeni përdorues i këtij aplikacioni në celular. Pasi të keni instaluar aplikacionin në kompjuterin tuaj, duhet të skanoni një kod QR për t’u identifikuar në aplikacionin desktop. Vetëm pas këtyre hapave do të jeni në gjendje të përdorni versionin desktop të WhatsApp me llogarinë tuaj të zakonshme.
