Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Gabe Newell, kreu i Valve, ka dhënë aprovimin e tij për sistemin e PS5 dhe Xbox. Të dyja konsolat kanë një arkitekturë relativisht të ngjashme, që për Gabe nënkupton se nuk do të duhet ndonjë vendim i madh nga ana e zhvilluesve për të vendosur se në cilën konsolë do i fusin lojërat.
Duke konsideruar se ka patur shumë debat rreth kësaj tematike në vitet e fundit, për faktin që konsolat po bëhen gjithmonë e më shumë si PC, nuk është çudi se dikush si Gabe Newell do të jepte opinionin e tij për të gjithë këtë situatë.
Meqë Valve është kompania që ka Steam, klienti më i madh i PC gaming në treg, ai është një nga njerëzit me pozitat më të mira për të folur për sistemet e Xbox dhe PS5. Gjithsesi, vetëm se GPU-të dhe CPU-të e konsolave janë të ngjashme, nuk do të thotë që nuk do të përballemi më me konceptin e lojërave ekskluzive.
Ekskluzivet janë një nga strategjitë kryesore që përdoren për shitjen e konsolave dhe numri i madh i lojërave ekskluzive, ishte arsyeja kyçe pse Sony arriti të dominojë këtë gjeneratë. Nëse kjo histori do të vazhdojë edhe gjeneratën e ardhshme nuk mund ta themi me siguri, mbi të gjitha kur marrim parasysh se Xbox Series X është më i fuqishëm se PS5.
Horizon Zero Dawn i Guerilla Games do të vijë në PC këtë verë dhe HZD ka qenë një nga lojërat më popullore të PS4. Me gjithmonë e më shumë lojëra ekskluzive të konsolave që po vijnë në PC, duket se parashikimi i Newell po duket gjithmonë e më i mundur.
Shumë zhvillues të tjerë kanë rënë dakord me mendimet e Newell. Atsushi Inaba nga Platinum Games tha se arkitektura e sistemit të Xbox dhe PS5 është pak a shumë e njejta, pa ndonjë gjë super-inovative nga njëra palë në krahasim me tjetrën.
Sado që ka ende rrugë përpara, deri në pikën ku PC dhe konsolat do të kenë përputhje perfekte dhe lojërat ekskluzive të mbeten në të kaluarën, do të duhet të presim dhe të shohim se si do të shpaloset beteja mes Sony dhe Microsoft për gjeneratën e ardhshme.
