The Witcher i Netflix nxjerr trailer-in final të serialit

The Witcher i Netflix do të dalë në fundin e javës tjetër, dhe gjatë pritjes përshëndetemi me trailer-in final.

The Witcher i Netflix, adaptimi i ardhshëm i librave të autorit Andrzej Sapkowski, do të nxjerri të 8 episodet e sezonit të parë në fundin e javës tjetër. Para datës finale, seriali ka shpërndarë trailer-in final i cili tregon Geralt-in nga Rivia i Henry Cavill, Yennefer-in e Anya Chalotra, dhe Cirilla e luajtur nga Freza Allan, ku të gjithë janë të zhytur thellë në problemet e sulmeve të mbretërisë së Nilfgaard-it.

Gjatë pjesës më të madhe të trailerit tregohen skena të cilat ne i kemi parë në trailer-at e mëparshëm por në këndvështrime të ndryshme. Nga të gjithë skenat e reja të cilat vehen re gjatë trailer-it, ato që janë më të pranishme janë sulmet dhe lëvizjet e shpeshta të ushtrisë së Nilfgaard-it, Geralt i cili fol për Ciri-n, dhe Yennefer që paraqitet duke bërë një lloj marrëveshje me një magjistare tjetër.

Çfarë mendoni për trailerin final të sezonit të parë? A do ta ndjekni se si Netflix do ta tregojë botën e The Witcher në ekranin e vogël?

Ja se si Netflix e përshkruan serialin e ardhshëm në faqen e tij:

“Bazuar në serinë fantazi best-selling,The Witcher është një histori epike që përmban elementin e fatit dhe të familjes. Geralt nga Rivia, një gjuetar profesionist përbinshash, e ka të vështirë të përshtatet në një botë në të cilën njerëzit shpesh herë tregohen më të tmerrshëm se përbindëshat. Por kur fati e dërgon drejt një magjistare të fuqishme, një princeshe me një sekret të rrezikshëm, të tre duhet të mësojnë të eksplorojnë të sigurtë Kontinentin mizor.”

The Witcher i Netflix është i planifikuar të nxjerrë 8 episodet  e tij të parë më 20 Dhjetor. Madje që tani është parashikuar një sezon i dytë i ardhshëm. Me kastin e shumë njohur që drejtohet nga Lauren S. Hissrich.