Tfue & Shroud munden nga Asmongold për shikueshmërinë më të lartë në Twitch

Këto janë kohë të mira për Asmongold

Streamer-i i njohur i World of Warcraft, Asmongold ka dominuar të gjitha çartet e Twitch në gusht me ardhjen e popullaritetit masiv të World of Warcraft Classic.

Që kur loja e Blizzard u lançua gjithçka ndryshoi në hierarkinë e Twitch. Lojtarët anë e mbanë botës u rreshtuan për ta luajtur lojën, duke shkaktuar që zhvilluesi të merrte edhe masa shtesë për të përballuar kapacitetin e lojtarëve. I gjithë ky fluks erdhi dhe në Twitch me kategorinë e Warcaft që kapi 1 milion shikues në ditën e lançimit.

Pra pavarësisht se loja u lançua jo më larg se në 27 gusht, interesi i madh i lojtarëve për të nënkuptoi një rritje të madhe për vetë Asmongold. Ai ishte streamer-i më i parë i të gjithë muajit me orët më të shumta nga të gjithë të tjerët.

Pas Amongold emrat e tjerë që e ndiqnin nga pas ishin tipikët e Twitch. Në mungesën e Ninja tashmë mbret i Fortnite në këtë platformë mbetet Turney ‘Tfue’ Tenney në vend të dytë për këtë muaj, i ndjekur nga xQc dhe shroud, i cili gjithashtu ka vendosur të bëjë stream WoW për momentin.

Sado që Asmongold doli në krye individualisht si streamer i WoW Classic, si kategori Warcraft nuk ja doli të qëndronte në vendin e parë. Ishin Fortnite dhe League of Legends dhe Dota 2 ato që kishin nderin për top treshe me World of Warcraft të pozicionuar në vend të katërt.

Gjithsesi World of Warcraft Classic nuk po tregon asnjë shenjë ngadalësimi, ndaj nuk do të ishte çudi që në fund të shtatorit ta shikonim të pozicionuar më lart në listë.