Një njoftim pune i Respawn zbulon planet e Apex Legends për PS5 dhe Xbox Series X

Apex Legends do të marshojë në gjeneratën e ardhshme të gaming kur PlayStation 5 dhe Xbox Series X të vijnë më vonë gjatë këtij viti. Kjo sipas një njoftimi të fundit pune nga Respawn Entertainment javën e shkuar.

Me ardhjen e konsolave të reja nga Sony dhe Microsoft që do të vijnë në 2020n, pyetja në mendjen e çdo gamer-i është nëse lojërat e tyre të preferuara do të jenë pjesë e gjeneratës së ardhshme.

Infinity Ward së fundmi konfirmoi se Warzone do të jetë prezente edhe në gjeneratën e ardhshme. Tani Respawn gjithashtu ka bërë planet e saj për PS5 dhe XSX. Kompania nuk ka thënë ende diçka zyrtare, por duket se një njoftim pune për një Senior Rendering Engineer që të “shtyjë platformat e gjeneratës së ardhshme dhe PC të maksimum” në Apex Legends duket se e ka konfirmuar këtë gjë.

Sado që ky njoftim i postuar në bordin e brendshëm të punësimeve të EA nuk e përmend specifikisht me emër PlayStation 5 ose Xbox Series X, përdorimi i “gjeneratës së ardhshme” në përshkrim mund të lidhet vetëm me konsolat që do të vijnë më vonë gjatë këtij viti.

Njoftimi që tashmë është mbyllur, kombinuar me deklaratën e EA vitin e shkuar se ata do e trajtojnë Apex Legends si një “seri afatgjatë” vetëm na konfirmon se loja po bëhet gati për të ardhur në PS5 dhe XSX.

Përsa i përket ardhjes së lojës në telefona pastaj nuk ka patur ende asnjë lajm. Gjithsesi, loja do të përballet me update-e të reja së shpejti. Sezoni i 5 vjen sot në lojë dhe Loba më në fund do të bëjë debutin e saj.