Ninja kap 1 milion subscribers në Mixer për 5 ditë

Ky djalë është vërtet i shpejtë.

Kur Ninja njoftoi se do ti ndërpriste marrdhëniet me Twitch për të kaluar në platformën e stream-it të Microsoft, të gjithë u shokuam. Kjo gjë tërhoqi vëmendjen e shumë njerëzve, mbi të gjitha për faktin që Ninja kishte rreth tetë vite që qëndronte të platformën e Amazon. Gjithsesi sado që ky kalim ishte i beftë, popullariteti i Ninja duket ta ndjekë atë kudo që ai shkon, pasi sot ai kapi 1 milion subscribers në Mixer, pas vetëm pesë ditësh në atë platformë.

Nuk mund ta mohojmë që kjo shifër është mjaft mbreslënëse. Fundja, subscription-at në Mixer janë të ngjashëm me ato të Twitch, për pjesën e tarifimit mujor. Gjithsesi duhet përmendur se që në momentin që Ninja ju bashkua platformës së Microsoft, menjëherë filloi promovimi për të tërhequr sa më shumë njerëz. Ndaj, Mixer ju ofroi të gjithëve një subscription dy mujor falas për kanalin e ri të Ninja.

Prova e vërtetë për të parë se sa njerëz do të mund të mbajë Ninja në Mixer do të shihet pasi kjo ofertë dy mujore të skadojë dhe fansave t’ju duhet të paguajnë për ta parë idhullin e tyre. Sidoqoftë, një milion njerëz në kanal tregon që mbështetja për Ninja dhe për vendimin e tij nuk mungon.

Do të jetë shumë interesante që me kalimin e kohës të shohim nëse Ninja do të mund ta përballojë kalimin nga Twitch në Mixer. Më saktë të shohim nëse do të mund të ruajë të njejtën sasi shikuesish, ndjekësish dhe subscribers-ash. Ku i dihet mund dita ditës të shohim edhe figura të tjera të shquara të kalojnë në Twitch. Vetëm koha mund të na e tregojë.

Gjithsesi ikja e Ninja nga Twitch ka shkaktuar pasojat e veta. Në rradhë të parë Twitch ka vendosur që ta shfrytëzojë për mirë mungesën e kanalit të tij, duke e bërë si faqe kryesore për streamer-a të tjerë, por në të njejtën kohë edhe lista e më të ndjekurve ka patur lëkundjet e veta, ku tashmë në vend të parë në Twitch, qëndron vetë kampioni i botës në Fortnite, Bugha.