League of Legends dhe CoD: Modern Warfare ishin lojërat me fitimet më të larta në dhjetor të 2019s

Dy nga lojërat më të suksesshme në histori, League of Legends dhe Call of Duty, kanë dalë të parat në listën e lojërave me fitimet më të larta për dhjetorin e 2019. Kjo sipas një raporti statistikor nga Superdata.

Loja e Riot Games vazhdon të dominojë në kategorinë e PC. League ishte loja me fitimet më të mëdha në PC për dhjetorin. Një nga arsyet për këtë konsistencë është sepse loja përdor modelin free-to-play të bashkuar me valutën e saj (RP), duke mos mundësuar avantazhe kompetitive. Mënyrë kjo deri diku e ngjashme me battle royale-in e famshëm Fortnite.

Por, më kryesorja, Riot ka gjetur metoda të ndryshme për të ruajtur interesin e lojtarëve, në vend të një vëmendjeje të përkohshme, këtu ngjashëm me lojën e famshme FPS, CS:GO. Të dyja lojërat janë siguruar që në momentin që lojtarët fillojnë të luajnë, të vazhdojnë të qëndrojnë aty.

Loja më e fundit e Activision në seritë e Call of Duty, Modern Warfare, ka parë sukses nëpër konsola, gjë që tenton të ndodhë vazhdimisht për çdo lançim të CoD. Gjithsesi, Activision e hoqi sistemin DLC dhe në vend të tij u mbështet në microtransactions dhe shitje të battle pass-it. Kjo strategji ka funksionuar mirë për kompaninë në tremujorin e fundit të 2019s, pasi fitimet e këtij segmenti kohor ishin 4% më të larta se Call of Duty: Balck Ops 4.

Loja ka qenë e suksesshme edhe në PC. Modern Warfare është e renditur në vend të 7 në këtë kategori. Kjo e bën Modern Warfare të vetmen lojë që listohet edhe në kategorinë e konsolave edhe në atë të PC.