Lojtarët e CS:GO ankohen për skin-et e Operation Shattered Web

Skin-et e Shattered Web janë të padukshme

Edhe pse lojtarët e Counter-Strike: Global Offensive janë padyshim të gëzuar që një Operation i ri ka ardhur në lojë pas thuajse 3 vitesh, ky Operation nuk është pritur mirë nga lojtarët profesionistë të lojës.

Pavarësisht se skin-et e armëve dhe misionet në Shattered Web u pritën shumë mirë, ardhja e skin-eve të lojtarëve, të quajtur Agents, ka bërë që lojtarët kompetitivë dhe profesionistë të ankohen. Burim i këtyre ankesave janë kryesisht skin-et CT, të cilët janë thuajse të padukshëm kur janë duke mbrojtur.

Shumë prej ankesave erdhën nga përdorimi i këtyre skins në versionin e ri të Cache, gjë që bëri që dhe krijuesi i hartës, FMPONE, të kritikonte hapur Valve.

Shumë prej agjentëve të rinj CT janë jeshilë, gjë që i jep atyre një avantazh shum të madh në Cache, pasi versioni i ri ka shumë ngjyrë jeshile. Megjithatë, lojtarët po hasin probleme dhe në hartat e tjera, pasi disa lojtarë po përdorin mënyrën më klishe për t’u fshehur: shkurret.

Streamer-i dhe lojtari i CS:GO Laski ishte në një ndeshje në Overpass, kur papritur u vra nga një CT që po fshihej në shkurret pranë Bathroom. Laski kërkoi që Valve të rregullonte lojën dhe premtoi se do të bënte tag CS:GO në Twitter me këtë klip.

Klipi i Laski nuk ishte i vetmi që u bë popullor. Streamer-i popullor DonHaci postoi një klip të një situate tjetër thuajse identike, duke sinkronizuar në mënyrë perfekte këngën e John Cena me momentin kur ai vritet nga një lojtar që po fshihej në shkurre.

Jo vetëm që lojtari është thuajse i padukshëm, por klipi i dytë tregon dhe perspektivën e lojtarit që po fshihet, i cili mund të shohi të treja hyrjet ndërkohë që është tërësisht i fshehur.

Shumë lojtarë profesionistë dhe kompetitiv kanë sugjeruar disa zgjidhje për këtë problem. Disa kërkojnë një opsion që i heq këto skins, ndërkohë që të tjerë kërkojnë që skin-et të limitohen në varësi të hartës, në mënyrë që skin-et jeshile të CT të mos përdoren në hartat me shumë bimësi.

Ndryshe nga Cache e re, Overpass është një hartë kompetitive që luhet shpesh në turnamente profesionale. Organizata si FACEIT kanë dekluarar që lojtarët janë të detyruar të përdorin skin-et standarte në ECS Season 8 Finals.