Update-i i ri i CS:GO sjell versionin e ri të Cache dhe feston 20 vjetorin e lojës

Edhe 100 për Counter-Strike

Update-i i ri i CS:GO ka sjellë versionin e ri të Cache në serverat e Valve, ku tashmë ajo mund të luhet në Casual, Deathmatch dhe Scrimmage mode. Kjo do të thotë që Cache nuk do të jetë ende e disponueshme për Competitive, meqë Valve dhe krijuesit e hartës, Shawn“FMPONE” Snelling dhe Sal “Volcano” Garozzo, do bëjnë disa ndryshime të tjera me kohën.

Krahas rikthimit të Cache, CS20 Weapon Case dhe Striker Capsule mund të merren nga drope rastësore. Këto dy të fundit përmbajnë cosmetic skins të disa dizajneve ikonke të lojës dhe CLassic Knife, që ishte dizajni tipik i thikës në Counter-Strike 1.6.

Duket se Valve donte ta kënaqte pak komunitetin e saj për 20 vjetorin e lançimit të Counter-Strike. Në këtë rast kemi dy red skins, tre pink skins, pesë purple skins dhe shtatë blue skins. Classic Knife nga ana tjetër, vjen në 13 mënyra të ndryshme, të gjitha të bazuara në dizajnet standarte të lojës.

Nëse jeni mjaftueshëm fatlum sa të merrni një CS20 Case, mund ta shisni në Steam Community Market për një vlerë shumë të madhe. Gjithsesi nëse po kërkoni që të blini disa nga këto skine, do ju sugjeronim që të prisnit pak sa të bien çmimet.