Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ky është një nga momentet që nuk do të harrohet kurrë për Valve dhe kjo në më shumë mënyra se një. Sigurisht që një pjesë e madhe e vëmendjes do të drejtohet drejt hyrjes së re në seritë e Half-Life, për herë të parë kjo pas një dekade. Gjithsesi, në një qoshe tjetër të planeve të Valve është edhe Counter-Strike: Global Offensive, që është duke prezantuar një ndryshim të madh në update-in e ardhshëm të lojës. Operation Shattered Web do të hapë dyert për modele të reja personazhesh, duke prezantuar për herë të parë në botën e CS:GO, agjente femra.
Agjentët do të vijnë përmes shpërblimeve të Operation Shattered Web. Plotësimi i misioneve do i lejojë lojtarët që të blejnë modele të reja personazhesh nga të dyja anët, Terrorist dhe Counter-Terrorist. Ka rreth 22 personazhe të ndryshme nga të cilët mund të zgjidhni, femra dhe meshkuj përfshirë. Çdo lojtar do të marrë një numër me karta misionesh, të mbushura me objektiva të ndryshme në varësi të çdo jave. Përmbushja e këtyre të fundit do ju japë Stars që mund të këmbehen për modelet e personazheve në fjalë. Gjithsesi, update-i nuk mbyllet këtu.
Operation Shattered Web gjithashtu do të prezantojë një sistem Accolades të ngjashëm me Overwatch. Kjo do të thotë që në fund të çdo ndeshjeje, lojtarët do të përballen me një ekran ku do të tregohen arritjet e tyre përgjatë çdo ndeshjeje. Lojtarët do të marrin shpërblime për kills, assists, MVPS dhe edhe për vrasjet e pulave.
Krahas këtyre, lojtarët mund të gjejnë tre harta të reja në lojërat matchmaking. Lunacy i çon lojtarët e CS:GO për herë të parë në kozmos. Harta Jungle është e vendosur në natyrën e egër dhe Studio i vendos lojtarët në një studio produksioni filmash.
Operation Shattered Web gjithashtu do të përfshijë armë, gradditi dhe stickera të reja. Ka shumë gjëra për të marrë dhe do të keni 16 javë kohë, duke filluar që sot. Thjesht kini në mendje se karta e misionit tuaj do të ndryshojë çdo javë, ndaj të luajturit e lojës në periudha të shpeshta, ka për ti maksimizuar shpërblimet që do të merrni.
