Zbulohen lojërat falas të PS Plus për janar 2021

Është e mërkura e fundit e muajit, që do të thotë se Sony ka njoftuar serinë e ardhshme të lojërave falas PlayStation Plus.

Së pari, pronarët e PlayStation 5 mund të presin që të marrin një kopje falas të Maneater me abonimin e tyre në PS Plus. Për ata që nuk e njohin, Maneater është një RPG me peshkaqenë ku lojtarët marrin rolin e një peshkaqeni vdekjeprurës. Ai përfshin një open world, një sistem nivelimi dhe shumë takime të rrezikshme me njerëzit dhe krijesat e detit po ashtu. Versioni PS5 i Maneater ka disa upgrades që nuk gjenden në versionet e tjera të lojës, të tilla si suport për ray-tracing dhe rezolucioni 4K me 60 frames në sekondë.

Ndërkohë, lojërat falas PS Plus për janar 2021 nuk janë shumë të këqija as për lojtarët e PS4. Duke filluar nga 5 janari, pronarët e PS4 mund të shikojnë Shadow of the Tomb Raider, loja e tretë në serinë reboot të Tomb Raider, si dhe GreedFall. GreedFall është një action-RPG nga 2019 që provoi të ishte disi një hit në kohën e lëshimit, shpesh e konsideruar një nga lojërat më të nënvlerësuara të gjeneratës së fundit. Sigurisht, meqenëse PS5 ka backwards compatibility me lojërat e PS4, kjo do të thotë që pronarët e PS5 do të kenë edhe tre lojëra të tjera për t’i shtuar koleksioneve të tyre, më 5 janar.

Ndërkohë, ka ende kohë që abonentët e PS Plus të marrin lojërat falas PS Plus për Dhjetor 2020. Në PS4, kjo përfshin Just Cause 4 dhe Rocket Arena, ndërsa si lojtarët e PS4 dhe PS5 mund të kenë Worms Rumble. Rocket Arena është një shooter që merr pak frymëzim nga lojëra si Overwatch dhe Quake, ndërsa Worms Rumble është një battle royale në serinë e lojërave klasike Worms.