Bëhen leak tre lojërat e ardhshme të serisë Call of Duty

Një lojë free-to-play, një Black Ops i ri dhe një remaster

Me shumë mundësi, sapo janë bërë leak të gjitha lojërat e dy-tre viteve të ardhshme të serisë Call of Duty.

Në një postim në Twitter më herët, leaker-i i njohur TheGamingRevolution tha se Activision po punon me disa lojëra për serinë e njohur FPS. Edhe pse zërat asnjëherë nuk duhen marrë seriozisht, burimi në fjalë ka qënë shpesh herë i saktë për sa i përket Call of Duty, duke përfshirë këtu edhe Warzone.

Activision ka konfirmuar se loja e ardhshme Call of Duty do të vijë në fund të 2020. Kjo lojë ka emrin e koduar Project: Zeus, gjë që të shtyn të mendosh se Treyarch do të sjellë Black Ops 5, duke parë se një altar i quajtur Zeus ndodhej në hartat Zombies të Black Ops 4.

Gjithashtu, Modern Warfare 2 do të bëhet remaster, gjë që nuk na surprizon aspak duke parë zërat që qarkullojnë prej vitesh. Ideja është që Modern Warfare 2 Remastered do të lançohet së bashku me Call of Duty-n e ri në fund të 2020, një trend që Activision do të vazhdojë ta ndjekë.

Në fund, Sledgehammer Games thuhet se po punon për një lojë free-to-play Call of Duty që do të vijë në PC, konsola dhe mobile në 2021. Nuk dihet nëse do të ketë një tjetër lojë World War, e cila mund të jetë në planet e Sledgehammer për këtë lojë.

Duken disa vite të ngarkuara për Activision. Modern Warfare u lançua vitin e kaluar, ndërkohë që Warzone ka vetëm disa ditë në treg. Më shumë se 6 milionë lojtarë e provuan këtë battle royale gjatë lançimit, duke e bërë Warzone më popullore se Apex Legends dhe Fortnite, të paktën për tani.