Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Rockstar Games bëri namin në fitime pas lançimit të Red Dead Redemption 2 në tetor. Loja shiti mbi 23 milion kopje në total. Red Dead Online nga ana tjetër nuk po ndjek hapat e paraardhëses. Komponenti multiplayer i lojës është i disponueshëm në beta për PS4 dhe Xbox One për momentin, por është duke fituar më pak para se GTA Online, analogu i Grand Theft Auto 5.
Sado që GTA Online është më e vjetër si lojë, një raport financiar shpreh se microtransactions-at e Red Dead Online nuk krahasohen me ato të GTA Online. Fitimet e Red Dead Online ranë me 14% në janar. Sipas këtij raportimi GTA Online po sjell për Rockstar pesë-fishin e Red Dead Online.
Beta i Red Dead Online u lançua në nëntor dhe që në fillim nuk ishte aq e suksesshme sa GTA Online. Gjithsesi, Rockstar duket të jetë i përkushtuar ndaj sjellies së kontentit të ri në lojë, kur marrim parasysh që update-i i fundit i saj nuk ishte më larg se para një jave.
Pronarët e Rocksar, Take-Two Interactive kanë deklaruar se u nevojitet që Red Dead Online të bëjë para për kompaninë edhe në të ardhmen e largët. Ndoshta Rockstar do të vazhdojë me përmirësimin e lojës në mënyrë që të tërheqi një audiencë më aktive.
Këtë gjë kompania e ka bërë më parë me GTA, ndaj nuk është se është e pamundur. Gjithsesi një lojë e para pesë viteve që bën më shumë para se një e para katër muajve është pak shqetësuese.
Për të qenë të sinqertë gjithsesi GTA ka qenë dhe mbetet një nga lojërat më të pëlqyera për njerëzit dhe nuk është për t’u çuditur që ja ka dalë të ruajë një audiencë kaq besnike. RDR2 gjithashtu nuk mbetet mbrapa. Një lojë jashtëzakonisht e pëlqyer dhe popullore meriton të dalë më mirë nga ç’është për momentin online.
