FunPlus Phoenix mposhtin G2 Esports dhe fitojnë Worlds 2019

Kina fiton për të dytin vit rradhazi Summoner’s Cup

Pas një performance dominuese, FunPlus Phoenix arritën të fitojnë World Championship-in e tyre të parë me rezultatin 3-0 ndaj G2 Esports. Ky është viti i dytë rradhazi që LPL merr në shtëpi Summoner’s Cup dhe do të rrisë padyshim konfidencën e këtij rajoni në 2020.

Shumë njerëz prisnin që kjo ndeshje të ishte shumë e luftuar midis FPX dhe G2, pasi të dyja ekipet kishin shfaqur macro dhe mekanika shumë të mira. Megjithatë, u kuptua menjëherë që FPX ishte shumë më mirë se G2.

Jungler-i i FPX Gao “Tian” Tian-Liang pati një prej serive të tij më të mira, duke fituar çmimin e MVP të finales. Ai arriti të luante shumë më mirë se Marcin “Jankos” Jankowski, me ganks dhe picks shumë të mira gjatë serisë.

Gjithsesi, kjo fitore erdhi për shkak të punës së mirë të të gjithë ekipit. Liu “Crisp” Qing-Song pati një performancë shumë të mirë dhe Kim “Doinb” Tae-sang gjithashtu performoi mirë me kampionë si Nautilus dhe Galio. ADC i FPX Lin “Lwx” Wei-Xiang është lojtari i parë i cili nuk vdiq asnjëherë në finalen e Worlds.

G2 në krahun tjetër nuk dukej aspak si vetvetja. Ata u dukën shumë më të dobët se FPX që në minutat e para. Kampionët që ata zgjodhën shpesh nuk ishin të duhurit dhe dobësia e tyre në early game menjëherë u vu në dukje. Kur G2 gjendej mbrapa, nuk arriti dot të ekzekutonte të njëjtin plan si kundër SKT për shkak të lojës shumë të mirë të FPX në të gjithë hartën.

Me këtë fitore, FPX provoi se është një prej ekipeve më të mira në botë. Doinb tha se kishte konsideruar tërheqjen përpara se të bëhej pjesë e këtij ekipi, duke fituar Worlds 2019. Tashmë, të gjitha ekipet duhet të bëhen gati për sezonin e ri, ndërkohë që Worlds 2020 do të mbahen në Shanghai, Kinë.