Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Respawn nuk i toleron hileqarët.
Zhvilluesi i Apex Legends, Respawn Entertainment nuk ka kohë për tu marrë me hileqarët. Ata kanë konfirmuar se që nga 8 marsi ka dëbuar mbi 355,000 lojtarë në PC.
Respawn përdor Easy-Anti-Cheat për versionin PC të këtij battle royale-i. Deri tani duket të funksionojë, por studioja është shprehur se lufta kundër hileqarëve nuk do të ndalojë kurrë.
“Do të na duhet të vazhdojmë përshtatjen dhe vigjilencën mbi lojtarët që bëjnë hile. Kjo është një tematikë që ne e marrim shumë seriozisht, pasi ka fuqi ndikuese shumë të madhe mbi lojën.”
Respawn shtoi se është duke punuar me metoda të reja për masat që do të përdori kundra hileve dhe se qëllimisht nuk dëshiron ti ndajë këto plane me publikun.
“Do te na duhet të ruajmë vigjilencën rreth planeve tona,” u shpreh Respawn. “Duam që ti zëmë hileqarët në befasi.”
Në vija të përgjithshme, Respawn tha se ka filluar të komunikojë me ekspertët brenda dhe jashtë EA, rreth parandalimit të këtij fenomeni. Gjërat nuk ndalojnë këtu pasi gjithashtu është raportuar se studioja planifikon të prezantojë një tipar të ri rreth sjellieve të këqia në lojë.
Krahas pjesës së hileve, Respawn tha se është në punë e sipër rreth përmirësimit të stabilitetit dhe performancës në PC. Një nga këto elementë do të jetë sjellia e një patch-i së shpejti që presupozohet të ndreqë të gjitha problemet që loja ka patur me crash-et. AMD do e vizitojë studion tani afër për të diskutuar rreth këtyre problemeve, ndërsa Nvidia e ka mbyllur këtë punë me kohë.
Studioja gjithashtu përmendi se është e vetëdijshme rreth kërkesës së njerëzve për tu rilidhur në një ndeshje që e kanë lënë përgjysëm dhe se nuk ka në plan ta modifikojë si tipar, pasi kjo do e bënte lojën të binte më kollaj pre e abuzimeve.
Tematika e hileve është përgjithësisht më e përhapur në PC sesa konsola, por me këto masa që po merr Respawn plus seriozitetin masiv që ka treguar deri tani, nuk mendojmë se do të kemi shumë njerëz që do të guxojnë të bëjnë hile në të ardhmen.
