Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Pas pothuajse shtatë viteve zhvillim, EA dhe BioWare më në fund lançuan Anthem këtë shkurt, dhe loja me të cilën publiku po e priste me entuziazëm, nuk doli ajo që pritej. Loja u kritikua rrënjësisht për shkak të mungesës së përmbajtjes, mekanikës së çrregullt dhe një mori problemesh teknike, dhe aktualisht Metacritic e ka vlerësuar me notën.
Jason Schreier i Kotakut ka hedhur pak dritë mbi dështimin Anthem. Schreier kontaktoi me 19 punonjës të tanishëm dhe ish-punonjës të BioWare, të cilët folën nën kushtin e anonimitetit, dhe ata na japin një pamje më të qartë rreth problemeve të brendëshme të kompanisë dhe keq menaxhimin e saj nga EA.
Anthem ka qenë në zhvillim e sipër për të paktën 7 vjet. Anthem e cila ishte planifikuar të quhej ”Dylan”, do të ishte një lojë e zhanërit Survival në një botë komplekse me krijesa masive dhe evente dinamike. Fatkeqësisht lidershipi i keq i cili nuk pati kurrë guximin për të vendosur diçka konkrete e fundosi këtë lojë në fund të oqeanit.
Në fillim të vitit 2017, EA më në fund tregoi një demo të Anthem, Patrick Söderlund, i cili e konsideronte lojën krejtësisht të papranueshme. BioWare pastaj hodhi një demo të dytë në vetëm disa javë, duke shtuar veçori që më parë ishin braktisur, si fluturimi. Kjo demo u prit mirë, dhe kështu BioWare shpejt hodhi së bashku një Trailer për E3 2017 – sa shumë në atë kohë spekuluan, kjo “demo” ishte kryesisht e falsifikuar.
Në të vërtetë, emri “Anthem” nuk u vendos deri dy javë para E3 2017, meqë BioWare fillimisht donte ta quante lojën ”Beyond”. Vetëm pas mbylljes së konferencës E3, filloi zhvillimi i lojës që kemi sot në treg.
Këto ndryshime të papritura dhe afatet kohore të shkurtra bënë që një pjesë e punonjësve të merrnin leje për shkak të stresit të shkaktuar ndaj tyre në ambjentet e BioWare. Si pasojë disa punonjës të BioWare si Aaryn Flynn, Mark Laidlaw, David Gaider, Drew Karpyshyn, James Ohlen, Neil Thompson, Jacques Lebrun dhe Kris Schoneberg u larguan nga kompania gjatë kësaj periudhe të turbullt dhe të errët.
Të shpresojmë se kompania do ta kalojë këtë periudhë krize të brendëshme dhe të vazhdojë të krijojë lojëra të mira si në të kaluarën e saj.
