Sleep Tight gati të lançohet këtë muaj në Switch në Europë

Më në fund, do të jetë e mundur që lojtarët në Europë dhe Australi të shkarkojnë këtë lojë.

Sleep Tight është një twin-stick shooter, me fokus në ndërtimin e bazave për lojtarët. Në këtë lojë, lojtarët luajnë si një grup fëmijësh të cilët gjatë ditës ndërtojnë fortesat e tyre, të cilat i përdorin gjatë natës për t’u mbrojtur nga përbindëshat e errësirës. Me një arsenal të madhë armësh-lodra, si pistoleta lodër por edhe tullumbacë me ujë, lojtarët duhet të luftojnë përbindëshat deri në mëngjes, kur ata kanë mundësinë për të përmirësuar fortesat e tyre, për të përballuar netët e ardhshme. Çdo lojtar ka mundësinë të zgjedhë mes 12 personazhesh, secili me veçoritë dhe aftësitë e tij dhe të luajë së bashku me miqtë e tij në një prej 5 game modes, midis të cilave janë Nigthmare, Trial of the Teddy, Ultimate Pillow Fort si dhe një first-person mode e quajtur Operation Commando. Siç mund ta shikoni dhe në trailerin e mëposhtëm, gjithçka duket si një eksperiencë magjike drejtpërsëdrejti nga filmat e Pixar.

E gjitha ka kuptim, kur shikon se loja është zhvilluar nga We Are Fuzzy, një ekip i përbërë nga artistë Hollivudianë dhe veteranë të studiove më të mira të lojrave. Pjesë e ekipit janë artisti i efekteve speciale Maxx Burman (Far Cry, Titanfall 2, Game of Thrones, Sea of Thieves), artisti i personazheve të Disney Dzlan Ekren (Big Hero 6, Wreck It Ralph, Zootopia) si dhe dizajneri i Ubisoft Oscar Mar (Far Cry 3, Splinter Cell: Conviction, Rainbow Six Siege). Një studio vërtet premtuese!

Loja është nxjerrë në Amerikën e Veriut disa muaj më parë, në Korrik të vitit të kaluar, por nuk kishte një datë të konfirmuar për lançimin e saj në pjesën tjetër të botës. Ju do të keni mundësi ta bleni këtë lojë per £11.54 në 24 janar.