Samsung Galaxy S10 do të lançohet zyrtarisht në 20 shkurt

Do të lançohen 3 versione të flagship-it, si dhe një model tërësisht funksional i një telefoni i cili mund të paloset.

Pas shumë muajve pritje, zërave dhe prototipeve, Samsung njofton se data e lançimit të Samsung Galaxy S10 do të jetë më afër seç pritej. Në vënd që të lançohej në Mobile World Congress në fund të shkurtit siç diskutohej, Samsung ka zgjedhur të planifikojë një event te quajtur “Unpacked“, i cili do të zhvillohet të mërkurën, në 20 shkurt në San Francisco, për të prezantuar telefonin e ri.

Pritet të ketë disa variante të telefonit, të cilat ndryshojnë në permasa dhe çmim, por ende nuk ka një listë të saktë për parametrat e tij. Gjithashtu, ka zëra se në pranverë do të ketë lançohet një tjetër version i cili suporton 5G, por edhe për këtë pritet një konfirmim.

Një nga ngjarjet më të shumëpritura të eventit do të jetë lançimi i Samsung Galaxy F, i cili mund të hapet duke u shndërruar në një tablet. Thuhet se përmasat e ekranit ndërsa ai është i hapur do të jenë deri në 7 inch.

Të gjitha pyetjeve dhe ideve tona do t’ju jepet përgjigje gjatë konferencës që është rreth 1 muaj larg. Deri atëherë, na ngelet vetëm të presim  me padurim eventin e lançimit.