Kampioni i botës në Fortnite, Bugha, ka rënë pre e hackerave

Menjëherë pas fitores Twitter-i dhe Twitch-i i tij janë rrezikuar.

Fortnite World Cup është mbyllur tashmë dhe lojtari amerikan Kyle ‘Bugha’ Giersdorf është larguar si kampioni i turnamentit solo, duke fituar një $3 milion si shpërblimin e tij. Gjithsesi duket se menjëherë pasi e siguroi fitoren e tij, Bugha u bë menjëherë shënjestër e hacker-ave . Dy nga adresat e mediave të tij sociale, Twitch dhe Twitter, u ndikuan nga kjo.

Bugha nuk kishte më akses në adresën e tij të Twitter pak pasi eventi mbaroi. Menjëherë pas kësaj mesazhe nisur followers-ave të tij për të ndjekur përdorues të tjerë filluan të shfaqeshin. Në Twitter adresa e Bughas gjithashtu u përdor për të ripostuar diçka nga data 9 korrik.

Pas adresës së tij të Twitter edhe Twitch-i i kampionit ndau të njejtin fat. Këtu nisën një livestream me një imazh statik, që ju thoshte shikuesve ti bënin follow dy adresave në Twitter. Këtu u bë e qartë që personi që po i orkestronte këto sulme ishte i njejti. Gjithsesi situata u sqarua menjëherë për njerëzit e tjerë.

Vetë Bugha e adresoi problemin duke përdorur Instagramin dhe duke thënë që Twitteri i tij është bërë hack: “Twitter-i im është bërë hack. Ato postime nuk janë të miat.” Gjithashtu ka një postim në kanalin e tij të Twitter, që sqaronte të gjithë situatën. “Jemi të vetëdijshëm për situatën dhe po punojmë që të rifitojmë kontrollin.” Deklarata vinte nga Sentinels Management, skuadra e Esports së Bugha.

Duket se problemi është duke u rregulluar gjithsesi. Menaxheri i mediave sociale të Sentinel, Analynn Dang, ka postuar se sado që nuk mund ti fshijnë akoma Tweet-et, janë duke punuar në maksimum për të siguruar të gjitha rrjetet e tij të tjera sociale dhe për të marrë Twitter-in dhe Twitch-in mbrapsh.