TimTheTatman, CouRage dhe Nadeshot i luten Activision të rregullojë hacking në Warzone

Një grup streamerash duan që Activision të bëjë një punë më të mirë për të zgjidhur problemin e hackers në Call of Duty: Warzone, pasi ata u vunë poshtë vazhdimisht në stream prej tyre mbrëmë. Tim ‘TimTheTatman’ Betar, Matthew ‘Nadeshot’ Haag, dhe Jack ‘CouRage’ Dunlop i bënë thirrje zhvilluesit që të bënin më shumë, pasi panë një lojtar të përdorte aimbot, të fitonte një lojë me 49 kills.

Treshja, që u përball me hackers në thuajse 70% të lojës mbrëmë, panë teksa lojtari përgjegjës për eleminimet e tyre ishte duke i vrarë lojtarët nga ajri me një AR nga 500 metra lart, duke qëlluar një FAL rifle sikur të ishte automatike dhe duke goditur lojtarët përtej mureve dhe dyerve.

“Kjo ka për ta shkatërruar lojën,” tha TimTheTatman në klipin që mund ta shikoni më poshtë.

Sado që Activision jo më larg se dje konfirmoi se kishte bërë ban 50,000 njerëz nga Warzone në tre javët e kaluara, Nadeshot thotë se nuk mund ta besojë që zhvilluesit anashkaluan të shtonin anti-cheat në lojë.

“Nuk mund ta besoj që krijon një lojë falas battle royale dhe nuk vjen me një software anti-cheat për të. Ka për të shkatërruar të gjithë eksperiencën. Keni bërë një lojë fantastike, duhet të jeni krenarë për këtë arritje. E dua këtë lojë, është punë shumë e mirë, nuk do ja heq këtë, por hacking ka për ta shkatërruar lojën dhe ju nuk keni një zgjidhje për të.”

Activision duhet të fillojë të gjejë metoda më efikase për tu marrë me këtë situatë, përpara se të humbasë lojtarët që ka tërhequr nga loja e saj.