Ninja, Tfue, CouRage etj, reagojnë ndaj The End në Fortnite

Në datë 13 tetor, Epic Games solli The End në Fortnite. Gjatë eventit një meteor erdhi nga një rift në qiell dhe e shkatërroi hartën, duke lënë pas vetëm një vrimë të zezë.

Epic Games më tej literalisht e fshiu lojën nga website dhe mediat sociale, duke i lënë fansat e gojë hapur dhe duke pyetur veten se çfarë do të ndodhte më tej me Fortnite. Sigurisht që figurat më të njohura në komunitetin e gaming gjithashtu kanë dhënë opinionin e tyre mbi këtë event historik.

Padyshim lojtari më influencues i Fortnite, Ninja, postoi një fragment reflektiv në Twitter ku kujton të gjitha gjërat dhe momentet e bukura që loja na ka falur. Ai uroi që të futeshim me mendje të hapur në Chapter 2 dhe i bëri thirrje komunitetit të Fortnite që të ishte më pozitiv.

Jack ‘CouRage’ Dunlop erdhi me një reagim live të të gjithë eventit, të cilin e postoi në faqen e tij në Twitter.

“Oh zot i madh,” thoshte CouRage me habi. “Kjo është gjithçka; Mu ngjeth mishi.”

Në atë që vinte pas eventit, një seri numrash u prodhuan nga vrima e zezë. Streamer-i i Team SoloMid,  Ali ‘Myth’ Kabbani reagoi në mënyrën më gallatë me një aktrim që sinqerisht e meriton një nominim për Oscar. Ai doli me një letër alumini rreth kokës, duke ironizuar disa teori konspirative që kishin qarkulluar pasi dolën numrat.

Timothy ‘Timthetatman’ Betar gjithashtu dha mendimin e tij në Twitter, duke postuar një imazh klasik të Charlie nga seriali ‘It’s Always Sunny in Philadelphia’, me caption poshtë: “Të gjithë teksa përpiqen të kuptojnë domethënien e numrave të Fortnite.”

Teksa gjërat filluan të qetësoheshin pak pastaj dhe nuk kishte mbetur më asgjë pas vrimës së zezë, Turner ‘Tfue’ Tenney, postoi një meme tipike që e prezantonte situatën e Fortnite në mënyrën më të mirë të mundshme.

Në mënyrë të ngjashme me CouRage, Dr Lupo postoi një reagim live të tijin të titulluar: “E quajtën The End për një arsye.”

Eventi realisht i ka lënë shumë lojtarë në pikëpyetje mbi çfarë do e pasojë këtë event. Në momenin e shkrimit, livestreami i vrimës së zezë ende vazhdon në adresën e Fortnite në Twitter.

Eventi The End ishte aq i madh dhe grumbulloi aq shumë shikues sa që Twitch bëri crash. Për momentin lojtarët thjesht duhet të presin dhe të shohin vrimën e zezë derisa Fortnite të kthehet prapë online.