Ninja i bën thirrje lojtarëve të Fortnite që të kërkojnë nerf në aim assist

Tyler Ninja Blevins thotë se “nuk mund të bëjë më asgjë,” por komuniteti mundet. Ai është duke i bërë thirrje lojtarëve të Fortnite, mbi të gjitha atyre që përdorin controller, që të kërkojnë nerf në aim assist dhe të rikthehen në mouse dhe tastierë.

Lojtarët me controller në Fortnite kanë patur kritika të shumta nga komuniteti i lojës. Streamer-at shpesh ankohen për ta dhe debati gjithmonë ka konsistuar në faktin që lojtarët me controller kanë avantazhin e aim assist kur luajnë në PC. Teksa në konsolë gjërat mund të jenë të drejta, në përballje me lojtarët e PC, aim assist është si aimbot, sipas disa lojtarëve.

Gjithsesi, duke parë që edhe nga ana e Epic nuk po bëhet asgjë për ta rregulluar këtë të fundit, baza e lojtarëve po lodhet dita ditës.

Pasi FNCS Invitational këtë javë u dominua sërish nga lojtarët me controller, Ninja postoi një video në Twitter kur i kërkonte komunitetit të lojës të bashkohej dhe të sillte një ndryshim.

Ninja ka qenë gjithmonë besnik i kombinimit mouse/tastierë, ndërkohë që lojtarë të tjerë, si kampioni i botës Bugha, kanë kaluar në controller. Si një ish pro i Halo, Ninja është dikush që merr vesh nga këto punë dhe ai beson se në gjendjen e tanishme, është shumë e fortë.

“Nëse mbledhim më shumë njerëz që e kërkojnë këtë gjë, atëherë mund të bëjmë ndonjë ndryshim,” tha ai. “Mund ta bëjmë situatën më të balancuar.”

Ylli i Mixer nuk kritikoi lojtarët që kishin kaluar në controller, po sistemin që vetë Epic kishte krijuar për këtë gjë.

Me Sezonin e 3 të Fortnite në horizont, lojtarët mund të shohin disa ndryshime në aim assist. Na mbetet të presim dhe të shohim se si i ka planet Epic.