Dr Disrespect: “Mixer nuk mund ta blejë shikeshmërinë”

Nëse nuk rri çdo ditë duke dhënë nga një opinion për çdo gjë, atëherë nuk kemi të bëjmë me Dr Disrespect. Duke marrë shkas nga ngjarjet e fundit në botën e streaming, me largimin e Ninja dhe Shroud nga Twitch në Mixer, Guy ‘Dr DisRespect’ Beahm ka folur sërish për platformën e Microsoft, duke thënë se: “nuk mund të blesh shikueshmërinë.”

Dr Disrespect i ka shprehur ndjenjat e tij kundrejt Mixer që në pikën kur Ninja shkoi aty në verë. Gjithsesi pasi e pyetën së fundmi sërish për Mixer gjatë një stream-i, ai u nxeh sërish siç e ka zakon dhe filloi të kritikonte strategjitë e platformës. Pasi e theksoi se “kurrë nuk do të kalonte në Mixer”, ai theksoi se sa shumë shikues ka Twitch, duke cilësuar se: “nuk mund të paguash për një komunitet, nuk mund ta blesh shikueshmërinë.”

“Ju po më thoni mua: ‘Hey, ata janë duke bërë lëvizje të mëdha.’ Jo. Nuk janë duke i bërë. Unë kam dyfishin e shikuesve që ka Ninja tani dhe jam ende në intro imagjino. Le të jemi realistë, këto lloj lëvizjesh nuk po bëjnë asgjë për platformën.”

Pasi e kali transmetimin në një ad dhe e mbylli shpërthimin e tij momental, Doc gjithashtu sugjeroi se në fakt ishte paguar më shumë nga Twitch për të qëndruar në të, se sa janë paguar Ninja dhe Shroud për të ikur. Gjithsesi, kjo deklaratë nuk ka asnjë provë pas saj, ndaj mos e merrni për të mirëqenë.

“Imagjino të paguhesh më shumë se të tjerët për të qëndruar. Imagjinoje pak.” thotë ai.

Në momentin e shkrimin, Dr Disrespect është një nga streamer-at me më shumë subscribers në Twitch me mbi 30,000 subs. Ai gjithashtu i ka bërë të qarta njenjat e tij për Mixer, duke ju betuar besnikërisë ndaj Twitch.

Që pas largimit të Shroud, spekultimet se kush do të jetë emri tjetër i madh që do të ikë nuk kanë ndalur, por një gjë mund ta themi me siguri… nuk do të jetë Dr Disrespect.