Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Microsoft është duke luajtur në një mënyrë shumë agresive duke marrë disa nga lojtarët që kanë qenë të qepur pas Twitch prej vitesh dhe duke i kaluar ata ekskluzivisht në platformën e tij të streaming, Mixer. Pas Ninja, së fundmi edhe Shroud bëri njoftimin e kalimit në Mixer, por gjithsesi ka ende një streamer të madh që i betohet besnikërisë ndaj Twitch dhe ai është Dr Disrespect.
Teksa Doc po përgatiste një stream 24-orësh për Call of Duty: Modern Warfare, ai i uroi shroud gjithë të mirat për lëvizjen e tij nga Twitch në Mixer. Sifdoqoftë, këtu kemi të bëjmë me Dr Disrespect dhe sigurisht që ai kishte edhe disa komente të tjera përsa i përket Mixer, platforma e cila ai thotë që është inferiore në krahasim me Twitch të Amazon në raport të shikueshmërisë dhe veçorive që ofron.
Mendohet se Microsoft i është afruar edhe Dr Disrespect për një marrëveshje të tillë. Një shikues e pyeti Doc se kush mund të largohej nga Twitch për në Mixer dhe ai u përgjigj: “Unë isha i pari aty në Washington. Përpara Ninja, përpara Shroud…Ata donin numrin një dhe unë ju thashë ‘gabim’.”
Më poshtë mund të shikoni klipin nga stream-i.
Gjithsesi deklarata e Dr Disrespect ndoshta nuk duhet marrë plotësisht e mirëqenë. Deklaratat mburrëse dhe të çuditshme janë pjesë e personazhit të tijë, ndaj sado që është e mundur që Microsoft ti jetë afruar për një lëvizje të tillë, ndoshta ai nuk ka qenë i pari në listën e tyre. Fundja ai është streamer-i i nëntë më i ndjekur në Twitch dhe duket se ka ndërmend të qëndrojë në shtëpinë e tij dhe për pak kohë.
