Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Edhe dy muaj pritje…
Super Bowl këtë vit solli edhe një trailer të ri për një nga filmat më të anticipuara të vitit. Po i referohemi pikërisht Avengers: Endgame. Më në fund mund të mësojmë pak më shumë rreth heronjve tanë të preferuar dhe se çfarë mënyrash do të përdorin ata për të ndaluar Thanos.
Bota është mjaft e zbrazët në këtë trailer. Si duket filmi pozicionohet pak kohë më vonë nga ngjarjet e Infinity War, ku planeti po përpiqet të marrë veten pas makabritetit të Thanosit. Gjithsesi kemi ende një grup heronjsh që nuk pranon të heqë dorë. Këta do të jenë Avengers-at e mbetur.
Traileri i parë për Endgame erdhi në dhjetor të vitit që lamë pas dhe mblodhi më shumë se 200 milion shikime brenda 24 orëve. Tregoi mjaftueshëm sa për ti lënë fansat mes spekulimeve dhe teorive të çmendura. Traileri i ri i Super Bowl gjithsesi, i ka ndihmuar pak fansat për sqarimin e gjërave në këtë aspekt.
Ndoshta nuk është ndonjë informacioni paditur ky, por Avengers: Endgame sjell përpara ekranit Robert Downey Jr. si Tony Stark, Chris Evans si Steve Rogers, Chris Hemsworth si Thor, Scarlett Johansson si Natasha Romanoff, Mark Ruffalo si Bruce Banner, Paul Rudd si Scott Lang, Jeremy Renner si Clint Barton dhe Karen Gillan si Nebula.
Ky do të jetë një vit i madh për Marvel. Captain Marvel do të vijë në kinema në 8 mars dhe Endgame në 26 prill. Të dy këto filma mëse të pëlqyer dhe shumëpritur për publikun. Tani thjesht presim dhe shohim trailerin më poshtë:
