Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nuk është çudi që Warzone nuk ka për tu shuar kur seria e ardhshme e Call of Duty të vijë pas Modern Warfare. Activision nuk e ka zbuluar ekzaktësisht se si Warzone do të adaptohet, teksa Call of Duty ecën përpara, por duket se seritë do ta lënë të gjitha gjurmën e tyre.
Momentalisht, Warzone është pak a shumë si një spin-off i Modern Warfare, duke marrë çdo gjë prej saj, që nga operatorët e deri në estetikën e saj. Gjithsesi, shumë shpejt lojtarët do e gjejnë veten e tyre në një lojë tjetër dhe më pas në tjetrën pas asaj, por Warzone nuk do të mbetet mbrapa.
“Jemi pak në territore të panjohura këtu,” tha drejtori i narrativës së Infinity Ward, Tylor Jurosaki. “Call of Duty ka ruajtur të njejtën rutinë prej vitesh dhe Warzone na ka bërë të mendojmë më mirë se si duhet të jetë përqasja jonë ndaj kontentit të ri në lojë. Call of Duty në vetëvete është një zhanër, ka degëzime të ndryshme në pemën e CoD, por të gjitha ato lidhen në një mënyrë. Warzone do të jetë ajo linjë që lidh të gjitha seritë e ndryshme të Call of Duty.”
Kurosaki dhe Amos Hodge gjithashtu folën pak edhe për fatin e Duos mode, që u shfaq në Plunder, po jo në mode-in kryesor. Nuk ka ende një datë për ardhjen e saj.
“Nëse e vutë re, ne lançuam vetëm Trios, pastaj shtuam Solos, më pas Quads, ndaj do të vijë një pikë ku do të shtojmë edhe Duos në të ardhmen.” thotë Hodge. “Nuk ka një moment ekzakt që mund t’ju japim për momentin, por ka ende disa gjëra të vogla që duhet të zgjidhim përpara se ta bëjmë këtë.”
Evoluimi është një nevojë themelore në lojërat battle royale. Fortnite, Apex Legends dhe PUBG të gjitha menaxhuan që të tërhiqnin një bazë të madhe lojtarësh në fillimet e tyre, por kanë arritur që ti mbajnë këta lojtarë duke sjellë ndryshime muaj pas muaji. Se si do të jetë e ardhmja për Warzone mbetet të shohim, por do të kemi një përfytyrim më të qartë për këtë pasi Activision të sjellë lojën e ardhshme.
