Call of Duty: Warzone ka bërë ban përgjithmonë mbi 50,000 lojtarë

Call of Duty: Warzone, battle royale i Modern Warfare, tashmë ka parë një numër të madh lojtarësh të largohen nga loja. Fatkeqësisht loja battle royale ka parë shumë hileqarë që kur u lançua më pak se një muaj më parë. Activision ka zbuluar se ka shpërndarë më shumë se 50,000 bans deri tani.

Kjo është bërë publike përmes një postimi në blog të quajtur ‘Cheaters not welcomed in Call of Duty: Warzone’. 

“Ne i marrim të gjitha format e hiles shumë seriozisht dhe një lojë e barabartë për të gjithë është prioriteti ynë kryesor. Kemi dhënë bans që në ditën e parë të lançimit të Warzone. Deri më tani mbi 50,000 adresa në të gjithë botën janë bërë ban.“

Sado që nuk ka detaje në postim se për çfarë lloj hilesh bëhet fjalë, studioja ka theksuar hapat që është duke marrë për të luftuar këtë fenomen. Loja FPS ka skuadra sigurie që e monitorojnë këtë problem gjatë gjithë kohës dhe skuadrat shohin të gjitha cheats dhe hacks të mundshme, që përfshijnë aimbots, wallhacks etj.

Ky do të vijë si lajm i mirë për komunitetin e Warzone, pasi disa prej tyre kanë filluar të ankohen se si cheating duket të ketë marrë përmasë në lojë.