Ubisoft do të lançojë tre lojëra të mëdha deri në fund të 2020

Ky do të jetë një vit i madh për Ubisoft

Ubisoft ka dhënë më shumë detaje mbi planet e tyre për të sjellë 5 lojëra të mëdha gjatë vitit të ardhshëm fiskal, gjë e cila është emocionuese edhe kur nuk ja ke idenë se çfarë është një vit fiskal (në SHBA është nga 1 tetori – 30 shtator).

Komapnia më parë konfirmoi se Watch Dogs Legion, Rainbow Six Quarantine, Gods & Monsters dhe 2 projekte ende të pazbuluara do të vijnë gjatë vitit të ardhshëm në konsolat e kësaj gjenerate dhe gjeneratës së ardhshme. Në një mbledhje sot, Ubisoft qartësoi se tre nga këto lojëra do të vinin brenda 2020, ndërsa dy të tjerat deri në 31 mars.

Ubisoft gjithashtu zbuloi se dy lojërat do të jenë pjesë e serive të tyre më të mëdha. Jason Schreier raporton se këto lojëra do të jenë Assassin’s Creed dhe Far Cry.

Ubisoft nuk specifikoi se cilat lojëra do të vinin deri në fund të 2020 dhe cilat do të vinin deri në mars të 2021. Do të na duhet edhe pak për të zbuluar datat zyrtare të lançimit, të cilat duhet thënë se janë diçka që nuk zbulohen zakonisht në një mbledhje biznesi.

CEO i Ubisoft, Yves Guillemot, tha gjithashtu gjatë kësaj konference se kompania ndodhet momentalisht në qetësi, por kjo gjë do të ndryshojë së shpejti.