U desh një vit për të krijuar Aphelios në League of Legends

Kaq kohë iu desh Riot për të krijuar një kampion kaq kompleks

Kampioni më i ri i League of Legends, Aphelios, ka padyshim disa lëvizje shumë të komplikuara për t’u mjeshtëruar. Zhvilluesit e lojës e prezantuan atë si një prej kampionëve me tavanin më të lartë të aftësive në lojë. Duket se ky kompleksitet reflektohet dhe në kohën që u desh për ta krijuar atë, pasi Riot thotë se u desh më shumë se një vit.

Në një postim, Riot thotë se udhëtimi i Aphelios nga një koncept i thjeshtë në një kampion ishte shumë i gjatë. Më shumë se një vit. Duke parë playstyle-in e Aphelios, nuk është shumë i çuditshëm fakti që u desh kaq kohë për këtë ADC.

Aphelios përdor pesë armë dhe tre butona, Q, W dhe R. W përdoret për të ndryshuar midis armës kryesore dhe dytësore. Ai ndryshon vazhdimisht armët e tij, sepse secila ka Q-në e vetë specifike dhe plumbat e tyre mbarojnë, por ai nuk i zgjedh dot armët. Aphelios është shumë ndryshe nga 150 kampionët e tjerë të League of Legends, gjë që bën që ai të ketë HUD-in e ti.

“Për shkak të plumbave, ti i detyron lojtarët të kuptojnë forcën e tyre në atë moment. Ti mund t’i japësh atyre një kombinim armësh që është shumë i fortë në luftime që ata të mendojnë që duhet të luftojnë menjëherë,” – tha dizenjuesi i lojës Stash Chelluck.

Megjithatë, siç thonë zhvilluesit, ky kampion i jep mundësi lojtarëve të zbulojnë mënyra kreative për të luajtur. “Ai filloi, si çdo kampion, me një qëllim. Qëllimi qe që lojtari të luante në varësi të kombinimit të aftësive në vend të reflekseve të menjëhershme. Pra, ai supozohej të ishte një Yasuo me 200 IQ,” – tha zhvilluesi.

Pas më shumë se një viti në zhvillim, Aphelios tashmë ka ardhur në PBE në League of Legends dhe pritet të vijë në lojë nëPatch 9.24.